Yaponiyede Uyghur mesilisini yéqindin bilidighan fumi'o kishida hakimiyet béshidiki partiyening rehbiri bolup saylan'ghan

Muxbirimiz irade
2021-09-30
Share

Yaponiyidiki hakimiyet yürgüzüwatqan erkin démokratlar partiyisi (LDP) 29-sintebir charshenbe küni sabiq tashqiy ishlar ministiri fumi'o kishidani yéngi rehber qilip teyinligen.

Fumi'o kishidaning aldimizdiki düshenbe künidiki parlamént yighinidin kéyin bash ministir bolidighanliqi éniq belgilinidiken.

Fumi'o kishida yaponiye-xitay munasiwetlirining kelgüside özi teshkilleydighan hökümettiki eng muhim xizmetlerning biri bolup qalidighanliqini bildürgen. U ilgiri yaponiyediki Uyghur pa'aliyetchilernimu qobul qilip, Uyghur mesilisige jiddiy qaraydighanliqini bildürgen idi.

Roytérs agéntliqining bu heqtiki xewiride mundaq déyilgen: "Kishida yaponiyening dölet mudapiyesini kücheytishke, amérika we bashqa shérikler bilen bolghan bixeterlik alaqisini kücheytishke alahide ehmiyet béridiken. Kishida yene yaponiyening déngiz qirghaqliridiki mudapiyesini kücheytishni, parlaméntta xitayning Uyghurlargha qiliwatqan mu'amilisini eyiblesh qarari chiqirishni, shundaqla Uyghurlarning kishilik hoquq weziyitini nazaret qilidighan bash ministir yardemchisi teyinleshni közlimekte."

Xitayning hökümet awazi bolghan "Yer shari waqti géziti" kishidaning asasen muqimlishp qalghan bash ministirliq wezipisige qarita derhal inkas qayturup, bir parche maqale élan qilghan. Ular maqalisida "Xitayni düshmen dep qarashtek mestaniliq éghir aqiwetlerni élip kélidu. Biz kishidaning bash ministirliq wezipisini tapshuruwalghandin kéyin, xitaygha qarshi keskin riqabet liniyesini ilgiri sürüshning ornigha, yaponiyening xitaygha qarshi keypiyatini peseytishke tégishlik rolini jari qildurushini ümid qilimiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet