Xitay hökümet taratquliri "Shinjanggha yardem bérish meblighi" heqqide hedep dawrang salmaqta

Muxbirimiz qutlan
2016-12-17
Share


Xitay hökümet taratquliri yéqindin buyan "Shinjanggha yardem bérish meblighi" heqqide hedep dawrang séliwatqanliqi melum.

Xelq torining aldinqi künidiki xewiride Uyghur aptonom rayoni bilen bingtwen tewesidin xitay ölkilirige bérip aliy mekteplerde oquwatqan 23 ming 700 neper oqughuchining "Shinjanggha yardem bérish meblighi" din nep éliwatqanliqi teshwiq qilin'ghan. Xewerde déyilishiche, her bir oqughuchigha 6 ming som ölchem bilen jem'iy 142 milyun som oqush yardem puli tarqitilghan iken.

Xitay taratquliri yene Uyghur élining jenubidiki üch wilayet bir oblastta 2016-yilining axirighiche 1000 dane kent ahaliler mulazimet merkizi qurulghanliqini, "13-Besh yilliq pilan" mezgilide 19 ölke-sheherdin jem'iy 81 milyart som meblegh ajritilip, Uyghur aptonom rayonigha yardem bérilgenlikini xewer qilghan.

Halbuki, közetküchiler, xitay hökümet taratqulirining atalmish "Shinjanggha yardem bérish meblighi" heqqide hedep dawrang séliwatqan bolsimu, emma Uyghur élidin xitay ölkilirige toshup kétiliwatqan hésabsiz bayliqlar heqqide sözleshni xalimaywatqanliqini ilgiri sürmekte.

Xitay taratqulirining xewirige qarighanda, tarim néfitlikidin turuba arqiliq xitay ölkilirige toshup bériliwatqan tebi'iy gazning özila changjyang deryasining ottura-töwen éqimidiki 400 milyundin artuq xitay ahalisini yéqilghu bilen teminleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet