Merkiziy yawro-asiya ilmiy tetqiqat yighini ötküzülidu

• Muxbirimiz ümidwar
  2015-10-11

Jorji washin'gton uniwérsitétida ötküzülidighan yawro-asiya ilmiy jem'iyitining bu yilliq muhakime yighinida Uyghurlar heqqidimu muhakimiler bolidu.

Amérika paytextige jaylashqan jorji washin'gton uniwérsitétida 15-18 öktebir künliri ötküzülidighan yawro-asiya tetqiqat jem'iyitining 16-nöwetlik xelq'araliq ilmiy muhakime yighinida rusiye, ottura asiya, kawkaziye rayonliri qatarida mexsus Uyghur élimu muhakime da'irisidin orun alghan bolup, Uyghurshunasliq boyiche 10 parchigha yéqin maqale oqulushi, buninggha amérikining tonulghan Uyghurshunas tetqiqatchiliri qatnishidighanliqi melum.

Jorji washin'gton uniwérsitétining éliyot xelq'ara munasiwetler mektipining terkibidiki ottura asiya programmisi bash bolup achidighan mezkur xelq'araliq ilmiy muhakime yighinida muhakime qilinidighan témilarning da'irisi nahayiti keng bolup, buningda tarix, medeniyet, til-edebiyat, siyasetshunasliq, iqtisad, jem'iyet we bashqa türlük mesililer muhakime qilinidu.

Merkiziy yawro-asiya ilmiy jem'iyiti 16 yildin buyan her yili xelq'araliq chong yighin chaqirip kelmekte. Bu yighinda her yili Uyghurlarning tili, edebiyati, tarixi, siyasiy we bashqa mesililirige a'it maqaliler üchün mexsus muhakime meydani tesis qilinip kélinmekte.