Yawropa konsérwatiplar we islahatchilar partiyesi yawrupa ittipaqini Uyghurlar uchrawatqan zulumni “Irqiy qirghinchiliq” dep atashqa chaqirdi

Muxbirimiz irade
2021.01.21

Amérika tramp hökümitining xitayning Uyghurlargha qiliwatqan zulumlirini irqiy qirghinchiliq dep békitishi yawrupadiki siyasiy partiyelerningmu alqishigha érishti.

Yawropa konsérwatiplar we islahatchilar partiyesi 19-yanwar küni bayanat élan qilip, amérika hökümitining qararini qarshi aldi. Ular bayanatta mundaq dégen: “Yawropa konsérwatiplar we islahatchilar partiyesi amérika tashqiy ishlar ministiri mayk pompéyoning shinjangdiki Uyghurlarning xorlinishini irqiy qirghinchiliq dep étirap qilghan bayanatini qarshi alidu. Bizmu öz pa'aliyetlirimiz netijiside oxshash yekün'ge érishken we xitay kompartiyesining kishilik hoquqqa qiliwatqan éghir dexli-teruzidin küchlük endishe qilghan iduq. Bizni eng bi'aram qiliwatqini, nöwette 2 milyon'gha yéqin Uyghur xitayning jaza lagérlirida tutup turuluwatqanliqi we u yerde mejburiy tughmas qilinish qatarliq insan qélipidin chiqqan mu'amililerge uchrawatqanliqidur.”

Ular bayanatida yene yawrupa ittipaqinimu Uyghurlargha qaritilghan zulumni irqiy qirghinchiliq dep atashqa chaqirghan. Ular mundaq dégen: “Yawropa konsérwatiplar we islahatchilar partiyesi yawropa ittipaqini amérikani ülge qilip, oxshash qarar chiqirishqa yeni shinjangdiki weqelerning irqiy qirghinchiliq ikenlikini étirap qilishqa ündeydu.”

Amérika Uyghurlargha qaritiliwatqan zulumni tunji bolup “Irqiy qirghinchiliq” we “Insaniyetke qarshi jinayet” dep étirap qilghan dölet bolup, amérika hökümiti we xelq'aradiki kishilik hoquq jama'iti yenimu köp döletlerni oxshash qarar élishqa righbetlendürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.