Явропа иттипақи хитайдин уйғур районидики лагерларниң чәклимисиз тәкшүрүлишини тәләп қилған

Мухбиримиз шөһрәт һошур
2019.04.03

4 -Айниң 1 ‏- вә 2 ‏-күнлири берюсселда өткүзүлгән явропа иттипақи билән хитай арисидики кишилик һоқуқ сөһбтидә уйғур райондики йиғивелиш лагерлири мәсилиси әндишилинәрлик бир әһвал сүпитидә оттуриға қоюлған.

 

Явропа иттипақи хитайниң йеқинда чәтәл мухбирлири билән дипломатлирини уйғур районида тәкшүрүш елип беришқа йол қоюшиниң иҗабий бир қәдәм икәнлики, әмма бу тәкшүрүшниң шәкил үчүн әмәс, бәлки һәқиқий йосунда елип берилиши керәкликини тәкитлигән. явропа иттипақи йәнә лагерлар һәққидики тәкшүрүшниң назарәтсиз, чәклимисиз вә мустәқил болушини тәләп қилған. Сөһбәттә йәнә б д т кишилик һоқуқ алий комиссари вә мутәхәссисилриниң районда тәкшүрүш елип беришиға йол қойолиши керәклики баян қилинған.

 

Явропа иттипақиниң тор бетидики бүгүнки мәзкур сөһбәт һәққидә елан қилинған хәврдин мәлум болушичә, бу қетимқи сөһбәт давамида уйғур сиясий мәһбуслардин илһам тохти, ташполат тейип, раһилә давут, әли мамут, ғәйрәт нияз, мәмәтҗан абдулла вә абдухелил зунунларниң исимлири тилға елинип, буларниң қоюп берилиши тәләп қилинған.


 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.