Yawropa ittipaqi xitaydin Uyghur rayonidiki lagérlarning cheklimisiz tekshürülishini telep qilghan

Muxbirimiz shöhret hoshur
2019-04-03
Élxet
Pikir
Share
Print

4 -Ayning 1 ‏- we 2 ‏-künliri béryussélda ötküzülgen yawropa ittipaqi bilen xitay arisidiki kishilik hoquq söhbtide Uyghur rayondiki yighiwélish lagérliri mesilisi endishilinerlik bir ehwal süpitide otturigha qoyulghan.

 

Yawropa ittipaqi xitayning yéqinda chet'el muxbirliri bilen diplomatlirini Uyghur rayonida tekshürüsh élip bérishqa yol qoyushining ijabiy bir qedem ikenliki, emma bu tekshürüshning shekil üchün emes, belki heqiqiy yosunda élip bérilishi kéreklikini tekitligen. Yawropa ittipaqi yene lagérlar heqqidiki tekshürüshning nazaretsiz, cheklimisiz we musteqil bolushini telep qilghan. Söhbette yene b d t kishilik hoquq aliy komissari we mutexessisilrining rayonda tekshürüsh élip bérishigha yol qoyolishi kérekliki bayan qilin'ghan.

 

Yawropa ittipaqining tor bétidiki bügünki mezkur söhbet heqqide élan qilin'ghan xewrdin melum bolushiche, bu qétimqi söhbet dawamida Uyghur siyasiy mehbuslardin ilham toxti, tashpolat téyip, rahile dawut, eli mamut, gheyret niyaz, memetjan abdulla we abduxélil zununlarning isimliri tilgha élinip, bularning qoyup bérilishi telep qilin'ghan.


 

Toluq bet