Явропа иттипақи хитайни уйғур райониниң "вәзийитини өзгәртиш" кә чақирған

Мухбиримиз әркин
2019-05-10
Share

Явропа иттипақиниң хитайда турушлуқ дипломати мухбирларға баянат берип, хитайни уйғур райониниң "вәзийитини өзгәртиш" кә чақирған.

Фирансийә агентлиқиниң хәвәр қилишичә, бу сөзләрни явропа иттипақиниң бейҗиңда турушлуқ вәкили николас чапиус 9‏-май күни бейҗиңда мухбирларға қилған. явропа иттипақи 2 милйондәк уйғур, қазақ вә башқа мусулманлар лагерларға қамилип, лагер сиртидикиләр омумйүзлүк тәқибгә елинған уйғур районида тәкшүрүш елип беришниң амалини қилип кәлгән. Хитай һөкүмити бу йил 3‏-айда явропа иттипақи дипломатлирини зиярәткә тәклип қилған болсиму, лекин икки тәрәп һазирғичә шәртлиридә келишәлмигән иди.

Фирансийә агентлиқиниң хәвиридә қәйт қилинишичә, николас чапиус "биз хитай тәрәпкә бизниң пикиримиз вә күтидиған үмидлиримизни ениқ йәткүздуқ. Биз хитайни шинҗаң вәзийитини өзгәртишкә чақиримиз" дегән. У йәнә явропа иттипақини хитай билән диалог елип берип, "ашқунлуқни түгитиш" ниң пәрқлиқ йоллири барлиқини көрситишни халайдиғанлиқини билдүргән. Униң илгири сүрүшичә, уларниң "шинҗаң мәсилисидики әндишилири диний әркинлик, ипадә әркинлики, аз санлиқ милләтләрниң һоқуқи вә кәмситиш мәсилилири" ни өз ичигә алидикән.

Николас чапиус йәнә явропа иттипақиниң уйғур районини зиярәт қилиш мәсилисидә хитай билән техи келишәлмигәнликини билдүрүп, "бизниң программимиз болуши вә бу программа мәнидар болуши керәк" дегән. Униң қәйт қилишичә, әгәр уларниң программиси хитай тәрипидин мақал көрүлсә, униң қайсий күни елип берилишини хитай тәрәп бекитсиму болидикән. У йәнә явропа иттипақи мустәқил тәкшүргүчиләрниң, җүмлидин б д т кишилик һоқуқ алий комиссари мешил башелейтниң мәзкур районда зиярәттә болушиға йол қоюлушини тәләп қилидиғанлиқини билдүргән. Хитай һөкүмити б д т хадимлириниң уйғур районида зиярәттә болушини қарши алидиғанлиқини билдүргән болсиму, лекин униңға шәрт қоюп кәлди. Хитай ташқи ишлар министирлиқи баянатчисиниң илгири сүрүшичә, улар хитайниң ички ишлириға арилашмиғандила андин уларниң зиярәт қилишиға йол қойидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт