Yawropa ittipaqi Uyghurlar heqqide bayanat élan qildi

Muxbirimiz eziz
2018-10-30
Élxet
Pikir
Share
Print

Uyghur diyaridiki siyasiy weziyet barghanséri éghirlawatqanda yawropa ittipaqi 26-öktebir küni bayanat élan qilip, xitay hökümitining "Térrorluqqa qarshi turush nizami" gha tüzitish kirgüzgenlikini qattiq eyibligen idi. Mezkur bayanatta: "Bu qétimliq tüzitish kirgüzüsh herikitining özi Uyghurlarning qandaq weziyette ikenlikini körsitip béridu", déyilgen idi.

Bu bayanatta yene xitay hökümitining bir milyondin artuq Uyghurni lagérlargha qamiwalghanliqi heqqide éniq ispatlarning barliqi, xitay hökümitining bu qilmishi b d t ning alaqidar tewsiyelirige xilap ikenliki körsitilip, xitay hökümiti özliri imza qoyghan xelq'araliq ehdinamilerge ri'aye qilishqa, Uyghur diyaridiki basturush heriketlirini toxtitishqa chaqirilidu. 

30-Öktebir küni büyük britaniye we shimaliy irélandiye birleshme padishahliq hökümiti mexsus bayanat élan qilip, özlirining yawropa ittipaqi élan qilghan bayanatni toluq qollaydighanliqini bildürdi. Mezkur bayanatning birleshme padishahliq tor bétide élan qilinishini bir qisim analizchilar yawropa ittipaqining Uyghurlar heqqidiki meydanining barghanséri qet'iy tüs éliwatqanliqining ipadisi, dep qarimaqta iken.

Shuning bilen birge bu hal en'gliye ittipaqigha eza bolghan yéngi zélandiye we awstraliye hökümetliridimu tégishlik inkas qozghighanliqi melum. 30-Öktebir küni awstraliyediki öktichilerning rehbiri bil shortén mexsus bu heqte toxtilip, "Biz xitay hökümitining musulman az sanliqlarni basturushidin bekmu teshwish qiliwatimiz" dédi.

Toluq bet