Yawropa ittipaqi xitayda ishlen'gen tokluq aptomobillargha 38 pirsent tamozhna béji élishni qarar qilghan
2024.06.12
“Nyu-york waqti géziti”ning 12-iyundiki xewirige asaslan'ghanda, yawropa ittipaqi xitayda ishlen'gen tokluq aptomobillardin %38 tamozhna béji élishni qarar qilghan.
Mezkur xewerde, wolkiswagénning shangxeydiki aptomobil shirkiti yawropa komissiyening tekshürüshige qatnashmighanliqi üchün, uningdin %38.1 Tamozhna béji élinidighanliqi alahide tekitlen'gen. Yawropa ittipaqining bu qarari yawropa bilen xitay otturisidiki soda jéngini téximu kücheytidiken. Shuning bilen bir waqitta, gérmaniyening mérsidis-béniz (Mercedes-Benz) we BMW qatarliq aptomobil shirkiti yawropa ittipaqining bu qararigha qarshi lobichiliq pa'aliyitini bashlighan.
Gérmaniye aptomobil shirkiti wolkiswagénning shangxey aptomobil shirkiti bilen birlikte 2019-yili yasighan turpandiki aptomobil sinaq meydanining qurulushida, Uyghur mejburiy emgikining ishlitilgenliki ashkarilan'ghanidi.
Amérika dölet mejlisi kéngesh palatasi yéqinda BMW, jagu'ar lendirowir (Jaguar Land) wolkiswagén qatarliq aptomobil shirketlirini Uyghur mejburiy emgiki bilen chétishliq dep jezmleshtürgenidi؛ amérika kéngesh palatasi maliye komitéti élan qilghan bu doklatta, yuqiriqi aptomobil shirketlirining Uyghur mejburiy emgiki bilen chétishliq bar dep qarilip, amérika teripidin cheklen'gen shirketlerdin mashina zapchasliri élip ishletkenliki otturigha qoyulghanidi. Shuning bilen bir waqitta yene, tamozhna we chégra qoghdash idarisidin bir qatar konkrét tedbirlerni qollinip, qattiq tekshürüsh élish bérish telep qilin'ghanidi.