Yawropa parlaménti xitayning bésimigha téz pükmeydighanliqini bildürdi

Muxbirimiz erkin
2016-09-16
Share

Yawropa parlaméntining bashliqi martén sholiz peyshenbe küni firansiyening strasburg shehiridiki yawropa parlaménti binasida tibet rohaniy dahiysi dalay lamani kütüwalghandin kéyin, xitay hökümiti yawropa parlaménti wekiller ömikining xitay ziyaritini derhal kéchiktürgen.

Yawropa axbarat wasitilirining bildürüshiche, xitay martén sholizning dalay lama bilen körüshkenlikige naraziliq bildürüp, bu ziyaretni kéchiktürgen. Martén sholizning ishxanisi shu küni élan qilghan bayanatida, xitayning qararidin epsuslan'ghanliqini bildürüp, emma “Yawropa parlaméntining bashliqi kim bilen körüshüshni özi qarar qilishtin ibaret erkin meydanida dawamliq ching turidu, tashqirining bésimigha tiz chökmeydu” dégen.

Bayanatta yene, yawropa parlaméntining ochuq we köp xil pikir éqimlargha kapaletlik qilish üchün oxshimighan köz qarashtiki öktichilerni teklip qilip, dawamliq kütüwalidighanliqini bildürgen. Yawropa “Politiko” gézitining bildürüshiche, xitay diplomatiye wekili yawropa parlaméntigha martén sholizning dalay lama bilen körüshkenliki seweblik ziyaretning kéchiktürülgenlikini yetküzgen.

Yawropa parlaméntining bayanatchisi jawmi duch guylot ziyaretning kéchiktürülgenlikini tehqiqlep, “Biz téxi bayam xitayning yawropa ittipaqida turushluq diplomatiye wekilidin dalay lamaning ziyariti seweblik yawropa parlaménti iqtisadi wekiller ömikining xitay ziyariti kéchiktürülgenlikini uqtuq” dégen.

Yawropa parlaménti iqtisadi, pul -mu'amile komitétining wekiller ömiki kéler heptidiki xitay sepiride shangxey, béyjing qatarliq sheherlerni ziyaret qilatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet