Yawropa ittipaqi xitay bilen tüzgen meblegh sélish kélishimini testiqlashni toxtatqan

Muxbirimiz jewlan
2021-05-04
Share

Yawropa ittipaqining yuqiri derijilik bir emeldarining bügün bildürüshiche, yawropa ittipaqi bilen xitayning diplomatik munasiwetlirining yamanliship kétishi tüpeylidin, yawropa ittipaqi xitay bilen tüzgen ghayet zor sommiliq meblegh sélish kélishimini testiqlashni toxtatqan.

Yawropa ittipaqining mu'awin ijra'iye re'isi waldis dombrowiski fransiye agéntliqining ziyaritini qobul qilghanda mundaq dégen: "Melum menidin éytqanda, biz yawropa ittipaqi tereptin élip baridighan barliq siyasiy teshwiqat heriketlirimizni toxtattuq. Nahayiti roshenki, yawropa ittipaqining xitaygha yürgüzgen jazasi we xitayningmu yawropa parlamént ezalirigha qayturma zerbe bérishi bu kélishimning testiqlinishigha paydisiz boldi. Bu kélishimning testiqlinishi emeliyette yawropa ittipaqi bilen xitayning munasiwetlirining qandaq tereqqiy qilishigha baghliq". Latwiyening sabiq bash ministéri bolghan waldis dombrowiski yawropa ittipaqining bu kélishimni testiqlash ishlirigha mes'ul iken.

Ötken yil 12-ayning axirida yawropa ittipaqi bilen xitay 7 yilliq söhbettin kéyin axir ghayet zor sommiliq meblegh sélish kélishimi tüzgen bolup, yawropa ittipaqidiki 27 dölet we yawropa parlaméntining uni testiqlishi kérek idi. Emma bu kélishim yawropa ittipaqidiki bezi döletlerning qarshiliqigha uchrighan.

Bu yil 3-ayda yawropa ittipaqi 4 neper xitay emeldarini Uyghur rayonidiki kishilik hoquq depsendichiliki jinayitige chétishliq dep qarap jazalighanidi. Xitaymu yawropadiki bezi siyasiy erbablar, alimlar we tetqiqat orunlirigha öch élish xaraktérlik jaza yürgüzgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet