"Yawropa xewerliri" tori: "Mishél bachilét xitayning sherti bilen shinjanggha barmasliqi kérek"

Muxbirimiz erkin
2021-05-12
Share

Amérikaning kornél uniwérsitétidiki shwétsiyelik sherqshuns magnus féskesiyö "Yawropa xewerliri" torida maqale élan qilip, b d t kishilik hoquq aliy komissari mishél bachilétning xitayning sherti astida ‍uyghur éligha barmasliqi kéreklikini bildürgen. Uning tekitlishiche, bundaq bir ziyaret b d t we uning kishilik hoquq aliy komissariyatining inawitini tökidiken.

Magnus féskesiyö b d t ning izchil türde mutexesisslerning shinjangni cheklimisiz ziyarat qilishni telep qilip kelgenliki, b d t bash katipi gutérrisning yéqinda xitay bilen bu toghrisida söhbet élip bériwatqanliqini ashkarlighanliqi, biraq bundaq ziyaret muqerrer xitay da'ilirining orunlashturishida bolidighanliqini bildürgen.

Uning éytishiche, nöwette xitay da'irilirining "Mishél bachilétning b d t kishilik hoquq aliy komissari bolushtek imtiyazigha hörmet qilidighanliqi, uning toluq tekshürüsh élip bérishigha yol qoyidighanliqigha da'ir héchqandaq bisharet yoq" iken. U xitay hökümitining shinjang siyasitining "Pütünlüy toghra" ikenlikini tekitlep kelgenliki, xitayning barliq küchini ishlitip sehne yasaydighanliqi we her bir inchike nuqtilargha qeder kontrol qilidighanliqini bildürgen.

Magnus féskesiyöning éytishiche, eger b d t lagérlarda iz-déreksiz ghayib bolghan yüzligen Uyghur we qazaq ziyaliliri, sen'etchiliri we medeniyet serxilliri bilen körüshüshni telep qilsa, xitay xuddi yawropa ittipaqi elchilirining ataqliq Uyghur ziyaliysi ilham toxti bilen körüshüshini ret qlghandek bir bahane tapidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet