Яврупа парламенти явропа иттипақи рәһбәрлирини йеңи җаза һоқоқидин пайдилинип уйғур елидики хитай әмәлдарлирини җазалашқа чақирди
2020.12.17
Явропа парламенти явропа иттипақиға әза дөләтләрни йеқинда мақулланған “йәршари кишилик һоқуқ җаза қануни” ни ишлитип, уйғур елидики зулумға иштирак қиливатқан хитай әмәлдарлирини җазалашни тәләп қилди.
Явропа иттипақиниң қанун чиқириш тармиқи өткән һәптә “йәршари магнетиский қануни” ниң илһами билән өз алдиға “йәр шари кишилик һоқуқ җазалаш түзүми” дәп атилидиған бир кишилик һоқуқ қанунини мақуллиған иди.
Явропа иттипақи бу қанунни мақуллап узун өтмәй, явропа парламенти хитай мунасивәтләр вәкилләр өмикиниң башлиқи рейнхард бутикофер уйғурларға қаритилған бастуруш сияситиниң баш иҗрачиси чен чүәнгониң мәзкур кишилик һоқуқ механизми бойичә җазалинишни халайдиғанлиқини билдүргән.
“җәнубий хитай әтигәнлик почтиси” ниң хәвәр қилишичә, йеқинда явропа иттипақиниң ташқий сиясәтләргә мәсул мудири җосеп боррелму уйғурларға қилиниватқан зиянкәшликкә қарита җаза тәдбири йүргүзүш пилани бар-йоқлуқи һәққидики соалға дуч кәлгән икән.
Явропа парламенти болса бүгүнки чақириқида явропа иттипақиға әза дөләтләрниң хитай һөкүмитиниң уйғурларға қаритилған кәң көләмлик тутқун һәрикити вә уларни мәҗбурий әмгәккә селишида мәсулийити болған хитай әмәлдарлири вә биңтүән қатарлиқ муәссәсилирини тездин җазалишини тәләп қилған.
Көп көрүлгән хәвәрләр
RFA
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған