Уйғурлар вә тибәтләр явропа иттипақидин хитайға қарита кәскин болушни тәләп қилди

Мухбиримиз ирадә
2019-04-11
Елхәт
Пикир
Share
Принт

Явропа иттипақи хитайниң уйғурлар вә тибәтләргә қаратқан сиясәтлиригә қарши кәскин тәдбир елишқа чақирилди.

«Җәнубий хитай әтигәнлик гезити» ниң хәвәр қилишичә, явропа иттипақи билән хитайниң юқири дәриҗилик башлиқлар йиғини үчүн хитай баш министири ли кечяң бирюсселға кәлгән мәзгилдә тибәт вә уйғур кишилик һоқуқ паалийәтчилири явропа иттипақини хитайниң кишилик һоқуқ мәсилисидә кәскин болушни тәләп қилған.

Явропа иттипақи комитетиниң рәиси доналд туск учришиштин кейинки баянатида өзлириниң кишилик һоқуқ җәһәттики әндишилирини хитай тәрәпкә билдүргәнликини ейтқан болсиму, конкрет қайси темиларни оттуриға қойғанлиқи һәққидә тохталмиған. У пәқәт «кишилик һоқуқ явропаниң қиммити, биз уни һәр пурсәттә оттуриға қойимиз,» дегән.

Һалбуки, дуня уйғур қурултийи қатарлиқ башқа нурғун кишилик һоқуқ органлири явропа иттипақини вә шундақла америка һөкүмитини кишилик һоқуқ еғир дәпсәндә қилиниватқан хитайға қарши әмәлий тәдбир қоллинишқа чақирип кәлмәктә.

Дуня уйғур қурултийиниң программа башқурғучиси райин баррий «җәнубий хитай әтигәнлик гезити» гә қилған сөзидә уйғур елидә йолға қоюлуватқан лагерлар мәсилисиниң интайин җиддий бир мәсилә икәнликини тәкитләп, «бу инсанийәткә қарши өткүзүлүватқан бир җинайәт, уйғурларға вә тибәтләргә ишлиниватқан бир җинайәт. Әгәр дуня буниңға тәдбир алмайдикән, у һалда бу ваба башқа дөләтләргиму чачрайду» дегән.

Пикирләр (0)
Share
Толуқ бәт