Uyghurlar we tibetler yawropa ittipaqidin xitaygha qarita keskin bolushni telep qildi

Muxbirimiz irade
2019.04.11

Yawropa ittipaqi xitayning Uyghurlar we tibetlerge qaratqan siyasetlirige qarshi keskin tedbir élishqa chaqirildi.

“Jenubiy xitay etigenlik géziti” ning xewer qilishiche, yawropa ittipaqi bilen xitayning yuqiri derijilik bashliqlar yighini üchün xitay bash ministiri li kéchyang biryussélgha kelgen mezgilde tibet we Uyghur kishilik hoquq pa'aliyetchiliri yawropa ittipaqini xitayning kishilik hoquq mesiliside keskin bolushni telep qilghan.

Yawropa ittipaqi komitétining re'isi donald tusk uchrishishtin kéyinki bayanatida özlirining kishilik hoquq jehettiki endishilirini xitay terepke bildürgenlikini éytqan bolsimu, konkrét qaysi témilarni otturigha qoyghanliqi heqqide toxtalmighan. U peqet “Kishilik hoquq yawropaning qimmiti, biz uni her pursette otturigha qoyimiz,” dégen.

Halbuki, dunya Uyghur qurultiyi qatarliq bashqa nurghun kishilik hoquq organliri yawropa ittipaqini we shundaqla amérika hökümitini kishilik hoquq éghir depsende qiliniwatqan xitaygha qarshi emeliy tedbir qollinishqa chaqirip kelmekte.

Dunya Uyghur qurultiyining programma bashqurghuchisi rayin barriy “Jenubiy xitay etigenlik géziti” ge qilghan sözide Uyghur élide yolgha qoyuluwatqan lagérlar mesilisining intayin jiddiy bir mesile ikenlikini tekitlep, “Bu insaniyetke qarshi ötküzülüwatqan bir jinayet, Uyghurlargha we tibetlerge ishliniwatqan bir jinayet. Eger dunya buninggha tedbir almaydiken, u halda bu waba bashqa döletlergimu chachraydu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.