Явропа иттипақи өзбекистанға 21 милярд явро беридикән

Мухбиримиз үмидвар
2017-04-30
Share


Явропа иттипақи өзбекистанниң йеза игилики саһәси тәтқиқати,җүмлидин деһқанларниң мунасивәтлик технологийә, учур вә йеза игилик мәһсулатлири базири билән болған алақилирини күчәйтиш һәм башқа тәрәпләргә ярдәм көрситиш үчүн 21 милярд 500 милйон явро беришни қарар қилған.

Пәрғанә учур ториниң хәвәр қилишичә, явропа иттипақи вәкиллири өзлириниң өзбекистан зиярити җәрянида, 28-апрел күни буни уқтурған. Мәлум болушичә, өзбекистанни 27 йил идарә қилған президент ислам кәримофниң өлүмидин кейин һакимийәтни игилигән президент шавкәт мирзияйев қошна қазақистан, қирғизистан, русийә қатарлиқ дөләтләр билән болған дипломатийәлик вә иқтисадий алақиләрни күчәйтишкә киришкән. Шуниңдәк йәнә өзбекистанниң ғәрб билән болған мунасивәтлирини күчәйтиш қәдәмлириниңму бесиватқанлиқи билдүрүлмәктә. явропа иттипақиниң бу қетим өзбекистанға беридиған 21 милярд явро ярдими өзбекистан йиллардин буян ғәрб әллиридин еришкән әң зор иқтисадий ярдәм һесаблинидикән.

Явропа иттипақ вәкиллири бу қетимқи өзбекистан зияритидә йәнә һөкүмәткә тәвә әмәс тәшкилатлар биләнму учришип, иқтисадий вә сиясий ислаһат мәсилилири һәққидә музакирә елип барған.

Мәлумки, ислам кәримоф дәвридә өзбекистан хәлқаралиқ тәшкилатлар вә ғәрб мәтбуат органлириниң паалийәтлиридин хали қалдурулған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт