Yawropagha kirgen 10 mingdin artuq balining iz - dériki bolmighan

Muxbirimiz ümidwar
2016-01-31
Share


Yawropa ittipaqining saqchi orginining bildürüshiche, ikki yilliq köchmenler dolquni jeryanida yawropagha kelgen mu texminen 10 mingdin artuq musapir balining iz - dériki yoq.

B b s agéntliqining yézishiche, balilarni qutquzush orni ötken yili texminen 26 ming etrapida musapir balining köchmenlik salahiyiti bilen yawropa ittipaqigha kirgenlikini bildürgen.

Yawropa saqchi orgini belki ghayib bolghan bu balilarning her xil jinayi guruhlarning mejburlishi astida jinsiy zulum we qulluqqa tutulghan bolushi, ularning bezilirining belki bir qisim kishilerning öyliride turuwatqan bolushi mumkinliki, omumen ularning ehwali éniq emeslikini bildürgen.

2015 - Yili, italiye da'iriliri, 5000 etrapida, shiwétsiye 1000 etrapida musapir balilarning musapirlarni yighish ornidin ghayib bolghanliqini bildürgen.

Yawropa saqchi orgini musapirlarning yawropagha kélishining izchil dawamlishiwatqanliqi, bu yil 55mingdin artuq musapirning yawropagha kirgenliki, yawropagha kélish jeryanida 244 ademning ottura yer déngizigha gherq bolup hayatidin ayrilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet