Yawropa birliki kishilik hoquq doklatida xitaydiki pikir erkinliki we tibet we Uyghur siyasitini tenqitlidi

Yawropa birliki 22 - iyun düshenbe élan qilghan “ 2014 - Yilliq xelq'ara kishilik hoquq ehwali” namliq doklatida, teywendiki pikir erkinliki ehwalining xelq'ara ölchemge layiq ikenlikini mu'eyyenleshtürüp, xitaydiki pikir erkinliki kontrolluqi we Uyghur hem tibet siyasitini eyiblidi.

Doklatta xitayning 2014 - yildiki intérnét kontrolluqi we Uyghur,tibetlerge qaratqan milli siyasiti we diniy siyasiti, ölüm jazasi qatarliqlar alahide tilgha élinip, yawropa birlikining nöwettiki xitay weziyitige diqqet qiliwatqanliqi eskertildi.

Doklatta yene xitayning （ICCPR）kélishimi yeni“Xelq'ara puqralar hoquqi we siyasi hoquq ehdinamisi”gha imza qoyghanliqi tekitlinip, xitayning bu ehdinamige hörmet qilishqa chaqirghan.