Йәһудий җамаити: биз лагерларда немә иш болуватқинини билимиз, униңға сүкүт қилалмаймиз

Мухбиримиз җәвлан
2020-09-16
Елхәт
Пикир
Share
Принт

Йеқинда форвард (forward.com) Торида «биз йәһудийлар йиғивелиш лагерлирида немә ишларни болуватқанлиқини билимиз, хитайниң у инсанларни хорлишиға сүкүт қилалмаймиз» намлиқ мақалә елан қилинған болуп, униңда бир түркүм уйғурларниң намәлум йәргә йөткиливатқанлиқи ашкариланған син көрүнүши алаһидә испат сүпитидә көрситилгән.

Мақалидә көрситилишичә, йеқинқи бир нәччә айда уйғур районида аталмиш «қайта тәрбийәләш» нами билән аталған йиғивелиш лагерлириға қамалған милйондин көп уйғурниң һәр хил қийнашларға учриғанлиқи, аяллар учриған хорлуқ вә дәпсәндичиликниң һәммидин еғир болғанлиқи, уларниң халиғанчә қул қилинип завутларда мәҗбурий әмгәккә селинғанлиқи һәққидики испатлар арқа-арқидин оттуриға чиққан.

Мақалидә йәнә хитайниң башқа әлләрниң кишилик һоқуқ, җүмлидин уйғурлар мәсилиси тоғрулуқ қилған тәнқиди вә бесимини қәтий қобул қилмиғанлиқи, лагерларни өктәмлик вә номуссизлиқ билән йәнила «тәрбийәләш мәркизи» дәп аташта чиң турғанлиқи, әмма чәтәллик мухбирлар вә мустәқил тәкшүргүчиләрни у җайларда мустәқил тәкшүрүш елип беришиға йол қоймай кәлгәнлики тилға елинған.

Мақалидә билдүрүлүшичә, хитайниң уйғурларни бундақ кәң-көләмлик қирғин қилиши 2009-йилда йүз бәргән «5-июл вәқәси» билән мунасивәтлик икән. Униңдин башқа хитай оттура асиядин тартип явропағичә кеңәймичилик қилишта уйғурларни путликашаң һесаблап, көздин йоқитишни нишан қилған.

Пикирләр (0)
Share
Толуқ бәт