Yehudiy jama'iti: biz lagérlarda néme ish boluwatqinini bilimiz, uninggha süküt qilalmaymiz

Muxbirimiz jewlan
2020-09-16
Élxet
Pikir
Share
Print

Yéqinda forward (forward.com) Torida "Biz yehudiylar yighiwélish lagérlirida néme ishlarni boluwatqanliqini bilimiz, xitayning u insanlarni xorlishigha süküt qilalmaymiz" namliq maqale élan qilin'ghan bolup, uningda bir türküm Uyghurlarning namelum yerge yötkiliwatqanliqi ashkarilan'ghan sin körünüshi alahide ispat süpitide körsitilgen.

Maqalide körsitilishiche, yéqinqi bir nechche ayda Uyghur rayonida atalmish "Qayta terbiyelesh" nami bilen atalghan yighiwélish lagérlirigha qamalghan milyondin köp Uyghurning her xil qiynashlargha uchrighanliqi, ayallar uchrighan xorluq we depsendichilikning hemmidin éghir bolghanliqi, ularning xalighanche qul qilinip zawutlarda mejburiy emgekke sélin'ghanliqi heqqidiki ispatlar arqa-arqidin otturigha chiqqan.

Maqalide yene xitayning bashqa ellerning kishilik hoquq, jümlidin Uyghurlar mesilisi toghruluq qilghan tenqidi we bésimini qet'iy qobul qilmighanliqi, lagérlarni öktemlik we nomussizliq bilen yenila "Terbiyelesh merkizi" dep atashta ching turghanliqi, emma chet'ellik muxbirlar we musteqil tekshürgüchilerni u jaylarda musteqil tekshürüsh élip bérishigha yol qoymay kelgenliki tilgha élin'ghan.

Maqalide bildürülüshiche, xitayning Uyghurlarni bundaq keng-kölemlik qirghin qilishi 2009-yilda yüz bergen "5-Iyul weqesi" bilen munasiwetlik iken. Uningdin bashqa xitay ottura asiyadin tartip yawropaghiche kéngeymichilik qilishta Uyghurlarni putlikashang hésablap, közdin yoqitishni nishan qilghan.

Toluq bet