Yekende xitay saqchiliri yene 8 Uyghurni étiwetti
2013.12.30
2014-Yil harpisida, xitay saqchiliri yekende yene sekkiz neper Uyghurni étiwetti. Melum bolushiche bu 15-dékabir qeshqer kona sheherde yüz bergen 14 Uyghurni étiwétish weqesidin kéyinki yene bir qanliq weqe bolup, qisqighina ikki hepte ichide saqchilarning oqqa tutushi seweblik arqa-arqidin qanliq weqelerning yüz bérishi xelq'ara metbu'atlarning jiddiy diqqitini qozghidi.
Xitay hökümet torliridin tengritagh torida yekshenbe küni yekende yüz bergen qanliq weqe heqqide “12-Ayning 30-küni, sa'et 6:30 de, toqquz neper zorawan unsur pichaq kötürüp qeshqer wilayiti yeken nahiyelik j x idarisige hujum qilghan, partlighuchni étip, saqchi aptomobillirini köydürgen. J x saqchiliri keskinlik bilen bir terep qilip, 8 kishini étip öltürgen, bir kishini tutqan” dégen xewer bérildi.
Xelq'ara metbu'atlarda, xitayning hökümet xewerliride weqening tepsilati we yüz bérish sewebi tilgha élinmighanliqi tekitlinip, xitay hökümet xewerlirining gumanliq ikenliki we yéqindin buyan xitay da'irilirining Uyghur rayonida élip barghan basturushining barghanche küchiyiwatqanliqi tekitlendi.
15-Dékabir weqeside xitay saqchiliri “Térrorchi” dep étiwetkenler ichide 6 nepirining ayal, ikkisining 18 yashqa tolmighan balilar ikenliki we bir jemet kishiliri ikenliki weqedin kéyin ashkarilan'ghan idi.