“Impériye chégrasidin halqighan qanun” namliq eser neshrdin chiqti

20-Esirning aldi-keynide Uyghur diyari özining pewqul'adde jughrapiyiwi orni tüpeylidin yawropa elliri izchil köz tikip kéliwatqan nuqtilarning biri bolup qalghan idi. Bu jeryanda qeshqer we ürümchide qurulghan bir qisim chet'el konsulxaniliri ene shuning delilidur.

Gérmaniyediki maks-plank inistitutining tetqiqatchisi, doktur émiliy wiwélning “Impériye chégrasidin halqighan qanun: xitayning gherbiy chégrisidiki biritaniye konsulxanisi, 1880-1943” namliq esiri en'gliyening qeshqerdiki konsulxanisi heqqide yézilghan mexsus eser bolup, bu heqtiki tepsilatlargha kengri orun bérilgen.

En'gliyediki eng dangliq neshriyatlardin bolghan manchéstér neshriyati 2019-yili 20-dékabirda neshr qilghan bu eserde aptor eyni waqittiki britaniye hökümitining qeshqerde konsulxana tesis qilishining sewebliri, konsulxanining pa'aliyetliri, uning shu waqittiki Uyghur diyarining siyasiy weziyitide körülgen dawalghushlarda qandaq rol oynighanliqi qatarliq bir qatar mesililerni eyni waqittiki biritaniye impériyesi bilen manju impériyesining alaqidar arxipliri asasida sistémiliq bayan qilidu.