Kökdalada yéngi wirus yuqumdari bayqaldi

Uyghur diyarida yéngiwashtin wehime peyda qiliwatqan tajsiman wirusi yéqindin buyan izchil köpiyish halitide turup kéliwatqan bolup, yéqindin buyan yéngi bimarlarning köpiyiwatqanliqi endishe qozghimaqta.

Xitay bashqurushidiki “Tengritagh tori” ning 6-öktebirdiki xewiride éytilishiche, kökdala shehirini merkez qilghan bingtu'en 4-déwiziyeside yene yéngidin ikki yuqumdar bayqalghan. Bular birdek alametsiz yuqumdarlar bolup, qorghasqa yéqin jaydiki 62-polk (tu'en) ta olturushluq kishiler iken. Qorghastiki qamal qilish charisi ijra qilin'ghandin kéyin, kökdala shehirimu buninggha mas halda qamal tedbirini élan qilghan. Shuningdek wirus yuqumini tekshürtüshni bashlighan.

Halbuki, xitay hökümitining hazirghiche wirus yuqumdarliri mesiliside yalghan sözlep kéliwatqanliqi köp qétim melum bolghanliqi üchün, nöwettiki wirusning heqiqiy ehwali toghrisida köpligen gumanlar we texminler otturigha chiqmaqtiken.