Йеңи зеландийә баш министири хитай билән яришишниң қийинлишиватқанлиқини билдүрди

Мухбиримиз әркин
2021-05-03
Share

Йеңи зеландийә баш министири җасинда ардерн йеңи зеландийә билән хитай оттурисидики ихтилап униң хитай билән яришишини қийинлаштуриватқанлиқини билдүргән. Ройтер с агентлиқиниң хәвәр қилишичә, җасинда ардерн бу сөзни 3-май күни йеңи зеландийәниң окланд шәһиридә өткүзүлгән хитай сода башлиқлар йиғинида қилған болуп, у хитай билән йеңи зеландийә арисида "қилмайдиған, қилалмайдиған вә қошулмайдиған ишлар" барлиқи, бирақ бу ихтилап уларниң мунасивитини бәлгилимәслики керәкликини тәкитлигән.

Җасинда ардерн, хитай билән болған қайси конкрет ихтилап вә пәрқләр уларниң мунасивитини қийинлаштуриватқанлиқини тәпсилий чүшәндүрмигән. Лекин у бу сөзләрни йеңи зеландийәниң ACT партийәси өткән һәптә парламентқа хитайниң уйғурларға "ирқий қирғинчилиқ" қиливатқанлиқини етирап қилиш тоғрисида қарар лайиһиси сунидиғанлиқини елан қилған мәзгилдә қилған.

ACT Партийәсиниң баянатчиси брок фон велден бу һәқтики баянатида "биз демократик дөләт болуш сүпитидә бизниң ә чоң сода шерикимиз инсанийәткә қарши җинайәт садир қилса униңға қарап турсақ болмайду" дегән.

Ройтерс агентлиқиниң билдүрүшичә, йеңи зеландийә хитайни тәнқид қилиш тоғрисида йеңи зеландийә, америка, әнглийә, канада, австралийәни өз ичигә алған "бәш көз" истихбарат вә бихәтәрлик гуруһиниң бесимиға учрап кәлгән икән. Йиғинда җасинда ‍ардерн йәнә мундақ дегән: "хитайниң дунядики роли күчәйгәнсери вә өзгәргәнсери бизниң мәнпәәт вә қиммәт қаришини шәкилләндүргән икки система арисидики пәрқни яраштуруш техиму қийинлишиватиду…. . . Мана бу биз вә һинди-тинч окян районидики нурғун дөләтләр, шуниңдәк явропа вә башқа районлардики дөләтләр дуч келиватқан хирис",

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт