Yéngi zélandiye: "B d t diki Uyghur pa'aliyiti shinjang weziyitige diqqet qozghash üchün bir purset"

Muxbirimiz erkin
2021-05-11
Share

Yéngi zélandiye 12-may b d t da ötküzülidighan Uyghur pa'aliyitige wakaletchi bolghanliqini delillep, bu pa'aliyetning "Shinjangdiki kishilik hoquq weziyitige qarita ilgirilep diqqet qozghash üchün bir purset" ‍ikenlikini bildürgen. Yéngi zélandiyediki "Nyuzxab" qanilining xewer qilishiche, yéngi zélandiye soda we tashqi ishlar ministirliqi xitayning bu mesilidiki "Diplomatik notisigha baha bermeydighanliqi", biraq yéngi zélandiyening bu pa'aliyetke qatnishidighanliqini delilligen.

"Nyuzxab" ning xewiride éytilishiche, yéngi zélandiye soda we tashqi ishlar ministirliqining bayanatchisi "Bu pa'aliyet shinjangning kishilik hoquq weziyitige ilgirilep köngül bölüshi, shuningdek xelq'ara jem'iyetning jümlidin b d t sistémisi, eza döletler we ammiwi jem'iyetlerning shinjangdiki Uyghur we bashqa étnik, diniy jama'etlerning kishilik hoquqini qandaq algha sürüshi we hemkarliq élip bérishi ‍üchün bir purset.

Yéngi zélandiye soda we tashqi ishlar ministirliqining bayanati xitay hökümiti b d t gha eza döletlerge nota ewetip, ularni 12-may amérika, gérmaniye, en'gliyening sahibxaniliqida ‍ötküzülidighan bu pa'aliyetke qatnashmasliqni telep qilghan bir waqitta élan qilin'ghan.

Melum bolushiche, xitayning b d t diki wekili düshenbe küni bayanat élan qilip, amérika, gérmaniye we en'gliyedin bu pa'aliyetni bikar qilishni telep qilghan. Xitay terep bayanatida amérikagha hujum qilip, "Amérika we uning egeshküchilirining musulmanlarni ‍öltürgenliki" ni égiri sürgen. Biraq ‍özining Uyghurlargha "Irqiy qirghinchiliq" qilghanliqini inkar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet