Musulman pa'aliyetchiler yéngi zélandiye qurbanlirini xitaydin kelgen yardem pulni qobul qilmasliqqa chaqirdi

Muxbirimiz shöhret hoshur
2019-03-26
Élxet
Pikir
Share
Print

Melum bolushiche yéngi zélandiyede ikki meschit jama'iti térrorluq hujumigha uchrighandin kéyin, yéngi zélandiyede hujumda ziyankeshlikke uchrighan a'ililerge i'ane qilish dolquni qozghalghan. "Staf zélandiye" namliq xewer torida bayan qilinishiche zor miqdarda pul i'ane qilghanlar arisida yéngi zélandiyediki xitay tijaretchi jang yikünmu bar bolup, u 2milyon dollar yardem qilishqa wede bergen.

Buningdin xewer tapqan yéngi zélandiyediki bir türküm musulman pa'aliyetchiler, xitayning Uyghur musulmanlirigha zulum séliwatqanliqini otturigha qoyup ziyankeshlikke uchrighuchilar a'ile- tawabi'atlirini xitaydin kelgen mezkur yardemni qobul qilmasliqqa dewet qilghan.

Melum bolushiche jang yikun ilgirimu yéngi zélandiyediki bir siyasiy partiyege 100 ming dollar pul i'ane qilghan we kéyin uning xitay kompartiyesi bilen shérikchiliki barliqi, xitayning birliksep xizmitide mexpiy wezipe ötewatqanliqi heqqide xewerler tarqalghan. Yéngi zélandiyediki "Xadiche rehberlik tori" namidiki teshkilatning ezaliri bolghan mezkur musulman pa'aliyetchiler özlirining bu heqtiki teshebbusnamiside xitayning chet'eldiki musulmanlargha yardem qilishtin awwal öz dölitidiki musulmanlarning halidin xewer élishi kéreklikini tekitligen we xitay tijaretchini i'ane qilmaqchi bolghan 2 milyon dollar pulini Uyghur musulmanlirigha bérishini tewsiye qilghan.

Melum bolushiche, hazirgha qeder yéngi zélandiye qurbanlirigha toplan'ghan i'ane puli 8. 5Milyon dollardin éship ketken, shunga yuqiriqi musulman pa'aliyetchiler öz chaqiriqida xitayning yardimige éhtiyaj qalmighanliqinimu eskertip ötken.

Toluq bet