Хитай һөкүмити үрүмчидики пүтүн аһалиләр районлирида «йепиқ башқуруш» йолға қоюлидиғанлиқини елан қилди

Мухбиримиз әркин
2020-08-07
Елхәт
Пикир
Share
Принт

Хитай һөкүмити үрүмчи шәһиридики һәр қайси мәһәллә вә аһалиләр олтурақ районлириниң кириш-чиқиш еғизлириниң бирдәк қамал қилинип, «йепиқ башқуруш» йолға қойидиғанлиқини елан қилди. Хитайдики «җуңго хәвәрлири тори» ниң билдүрүшичә, даириләр үрүмчидики һәр қайси мәһәллә вә олтурақ районларда пәқәт бирла ишик қоюлуп, юқум хизмити вә алаһидә әһвалларниң сиртида һәрқандақ шәхсниң сиртқа чиқиши вә кириши чәклинидиғанлиқини билдүргән.

Үрүмчи шәһәрлик һөкүмәтниң 6-июл өткүзгән ахбарат йиғинида шәһәрлик һөкүмәтниң муавин баш катипи шаң йүлән, бу қарар «юқумниң тарқилишиниң алдини елиш, униң тарқилиш йолини үзүш үчүн елинғанлиқи» ни билдүргән. Хәвәрдә тәкитлинишичә, у «пүтүн шәһәрдики кәң амминиң маслишиши астида биз барлиқ аһалиләр районлириға қарита йепиқ башқурушни йолға қойимиз» дегән. Униң тәкитлишичә, әгәр аһалиләр нәрсә-керәк заказ қилса, уни кириш-чиқиш еғизидики мәхсус хадимлар тапшурувелип, андин игисигә йәткүзүп берилидикән.

У йәнә һәр бир аһалиниң күндә 3 қетим қиззитмиси тәкшүрүлидиғанлиқи, бинормал әһвал байқалса дәрһал иҗтимаий районға хәвәр қилинип, қаидигә асасән бир тәрәп қилинидиғанлиқини билдүргән. 7-Айниң оттурилирида корона вируси юқуми үрүмчидә қайта тарқилип, даириләр вухәндә йолға қойған қаттиқ карантин тәдбирлирини йүргүзгән. Бу чәтәлдики уйғурларда хитай һөкүмити юқумни баһанә қилип, өзиниң уйғурларни техиму қаттиқ тәқипләш пиланини иҗра қиливатамду, дегән гуман қозғиғаниди.

Пикирләр (0)
Share
Толуқ бәт