Xitay Uyghur élide yerlik bilen bingtu'enning tereqqiyatini birleshtürüsh pilanini otturigha qoyghan

Muxbirimiz erkin
2021-04-05
Share

Uyghur aptonom rayonluq partkom 4-aprél da'imiy komitétining kéngeytilgen yighinini chaqirip, yerlik bilen bingtüenning tereqqiyatini birleshtürüsh pilanini muzakire qilghan. Aptonom rayonluq partkomning sékrétari chén chüen'go riyasetchilik qilghan yighinda "Yéngi dewrdiki bingtüen bilen yerlikning yughurma tereqqiyatini algha siljitish toghrisidiki pikir" namliq höjjet qarap chiqilghan. Lékin, xitay taratqulirining bu heqtiki xewerliride bu höjjetni mezmuni toghriliq héchqandaq uchur bérilmigen.

Atalmish yughurma tereqqiyat pilanining xitay hökümiti bir tereptin bingtüenni jenubtiki wilayetlerge kéngeytiwatqan, yene bir tereptin milyonlighan Uyghurni lagérlargha qamash, mejburiy emgekke sélish, Uyghur nopusini yoqitip, "Irqiy qirghinchiliq" qilish bilen eyibliniwatqan mezgilde otturigha qoyulushi diqqet qozghidi. Xitayning Uyghur élide chong tutquni bashlan'ghan 2017-yildin béri jenubtiki wilayetlerning nurghun yerlik kontrolluq hoquqlirini bingtüen'ge ötküzüp bergenliki melum.

"Shinjang géziti" ning bildürüshiche, bu nöwetlik yighinida yene muhit mesilisi, kompartiyening "Shinjangni idare qilish tedbirliri" ni dawamliq izchillash, yuqum weziyiti, yéza igilik ishlepchirishi, soda-sana'et, pewqul'adde zor hadisilerning yüz bérishining aldini élip, jiddiy ishlargha taqabil turush, karxanilarning ghem-endishilirini tügitish qatarliq mesililer muzakire qilin'ghan. Közetküchilerning bildürüshiche, nöwette gherbning "Shinjang paxtisi" ni cheklishi rayondiki xitay karxanilirigha özining küchini körsetmek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet