7 Dölet bashliqlirining yighini xitayni Uyghur élida kishilik hoquqqa hörmet qilishqa chaqirdi

En'giliyede ötküzülgen sana'etleshken 7 dölet bashliqlirining 13-iyun küni ilan qilghan ortaq bayanatida Uyghurlarmesilisimu tilgha élin'ghan. Yighinning axirida élan qilin'ghan bayanatta, xitayni Uyghur élida kishilik hoquqqa hörmet qlishqa, xongkongning ali aptonomiyelik ornini saqlashqa chaqirghan. Bu Uyghurlar mesilisining tunji qétim sana'etleshken 7 dölet bashlirilirining ortaq bayanatida tilgha élinishidur.

Roytérs agéntliqining xewer qilishiche, bayanatta “Biz qimmet qarishimizni algha sürimiz, jümlidin xitayni kishilik hoquq we négizlik erkinlikke hörmet qilishqa chaqirimiz, bolupmu shinjanggha munasiwetlik ishlarda, shundaqla xitay-en'giliye qoshma axbarati we asasiy qanundiki xongkongning bu heq-hoquqi, erkinliki we ali aptonomiyesige hörmet qilishqa chaqirimiz,” déyilgen.

Roytérs agéntliqining bildürüshiche, yighinda terepler yene mejburi emgekni yer shari teminat zenjiridin chiqiriwétishke wede bérip, Uyghur élini mejburiy emgekning asasliq menbesi, dep körsetken.

Amérika terep élan qilghan bu heqtiki bir höjette mundaq déyilgen: “Amérika we G7 shériklirimiz yer shari teminlesh zenjiride her xil shekildiki mejburiy emgekning ishlitilishidin qattiq endishe qilidu. Bu döletning hamiliqida ajiz guruppilarni we az sanliq milletlerni mejburiy emgekke sélish, déhqanchiliq, quyash énérgiyisi we kiyim-kéchek saheliride mejburiy ishlitishni ‍öz ichige alghan bolup, shinjang endishe qozghawatqan asasliq teminat zenjiri.”