Uyghur aptonom rayonidiki "Yéza ahalilirining kishi béshigha toghra kélidighan kirimi tümen ywenlik ötkeldin ötti", dégen xewer guman qozghimaqta

Muxbirimiz qutlan
2017-02-18
Élxet
Pikir
Share
Print

Igilinishiche, Uyghur aptonom rayonluq da'iriler 16-féwral küni yéza xizmiti yighini échip, ötken yili rayondiki yéza ahalilirining kishi béshigha toghra kélidighan kirimining tümen ywenlik ötkeldin bésip ötkenlikini élan qilghan.

Shinxwa torining bu heqtiki xewiride, Uyghur aptonom rayonidiki yéza ahalilirining kishi béshigha toghra kélidighan kirimining ötken yili 8% éship, tümen ywenlik ötkeldin bésip ötkenliki "Tarixiy xaraktérliq zor bösüsh", dep körsitilgen.

Halbuki, közetküchiler, xitay hökümet taratquliri bes-beste dawrang séliwatqan bu atalmish "Tümen ywenlik kirim ötkili" ge guman bilen qarimaqta.

Radiyomizning Uyghur élining jenubiy wilayetliridiki yéza-kentlerdin igiligen uchurlirigha qarighanda, yerlik Uyghur déhqanlirining iqtisadiy kirimi yenila töwen bolup, xoten wilayitidin nechche on minglighan Uyghur déhqanlirining aqsudiki bingtwenning kéwezlikliride yil boyi yallinip ishleydighanliqi melum bolmaqta. Shunga közetküchiler, "Tümen ywenlik kirim" rayondiki xitay déhqanlirigha nisbeten rast bolsimu, emma jenubtiki Uyghur déhqanlirigha nisbeten emeliy san bolushi gumanliq, dep qarimaqta.

Toluq bet