Bortala oblastidiki alataw éghizida 3 neper wirus yuqumdari bayqalghan

• Ixtiyariy muxbirimiz jewlan
  2021-08-16

Xitayche “Tengritagh tori” da bérilgen bir xewerdin qarighanda, 15-awghust küni Uyghur aptonom rayoni bortala oblasti korona wirusining aldini élish orni 3 neper wirus yuqumdarining bayqalghanliqini élan qilghan. Tekshürüshte bu üch kishining késellik alamiti körülmeydighan tiptiki yuqumdar ikenliki éniqlan'ghan bolup, ayrim késelxanida mexsus közitilmekte iken.

Bu üch yuqumdar bayqalghandin kéyin, yerlik hökümet jiddiyliship, pütün küchlerni seperwer qilip, pütün oblasttiki 500 minggha yéqin kishini, jümlidin alataw éghizidiki 15 mingdek ahalini tekshürügen we ulardin 186 kishini gumanliq dep qarap qayta tekshürmekchi bolghan.

Korona wirusining ichkiri xitayning bezi ölkiliridimu qayta peyda bolghanliqi heqqide melumatlar bar. Emma xitay hökümiti bundaq uchurlarni qattiq qamal qilghanliqi üchün heqiqiy ehwal ashkarilanmay kelmekte. Melum bolushiche, xitaydin tarqalghan bu wirus hazirghiche dunya boyiche 4 milyon ademning jénigha zamin bolghan, dunya iqtisadini zor kölemde buzghunchiliqqa uchratqan. Xitay hökümiti yene dunya sehiye teshkilatining korona wirusining menbesini tekshürüsh ishigha maslashmay kéliwatqan bolup, fransiye agéntliqining xewirige qarighanda, xitay hökümiti 8-ayning 13-küni mezkur teshkilatning iltimasini “Ilmiyliki yoq siyasiy telep” yene ret qilghan.