Хитайниң муавин баш министири уйғур елидә юқум тәдбирлириниң давамлиқ "уруш һалити"ни сақлишини тәләп қилған

Мухбиримиз әркин
2020-11-06
Share

Хитайниң муавин баш министири сүн чүнлән уйғур илиниң қаттиқ қамал астидики қәшқәр вә қизилсу районлирини зиярәт қилип, юқум тәдбирлириниң давамлиқ "уруш һалити"ни сақлишини тәләп қилған. Униң тәкитлишичә, "қәшқәрдики опчә юқум вәқәлири җиддий инкас вә кәскин тәдбирләр түпәйли вақтида байқалған" болсиму, лекин "мутләқ көп қисми йепиқ һаләттики бир йеза карханисида байқалған юқумниң вәзийити йәнила кәскин"икән.

Қәшқәрдики бу юқум тунҗи қетим қәшқәр кона шәһәр наһийәсиниң зәмин йезиси 3- кәнтидики бир карханиниң 17 яшлиқ бир қиз ишчисида байқалған. Бу әһвал көзәткүчиләрдә юқум мәҗбурий әмгәк карханилириға тарқалдиму?,дегән суал пәйда қилған. Карханидики ишчиларниң вирусни қандақ юқтуривалғанлиқи йәнила бир суал болуп қалғаниди. "җәнубий хитай сәһәр почтиси "гезитиниң 6-ноябир хәвәр қилишичә, йәрлик даириләр қәшқәрдә байқалған юқум билән бу йил 7-айда үрүмчидә партлиған юқумниң алақиси барлиқини рәт қилған.

Қәшқәр юқумлуқ кесәлликләрниң контрол қилиш мәркизиниң директори сүй йән генетикилиқ тәкшүрүшниң дәсләпки нәтиҗиси бу иккисиниң  алақиси йоқлиқини көрсәтти,дегән. Лекин у йәнила бу вирусниң мәнбәсигә чүшәнчә бәрмигән. "җәнубий хитай сәһәр почтиси" гезитиниң  билдүрүшичә, йәрлик даириләр 5 –ноябир юқумдарларниң 78 гә, кесәллик аламити йоқ юқумдарларниң 339 ға йәткәнликини елан қилған. Мәлум болушичә, юқумдарларниң 15 нәпири қизилсуниң ақту наһийәсидә икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт