Uyghurlar diyarida yanfon kontrolluqi jiddiy dawam qilmaqta

Muxbirimiz eziz
2017-10-10
Share

Uyghurlar nöwette duch kéliwatqan kontrolluq tedbirliri ichide uchur we alaqe sahesidiki cheklimiler alahide orunda tutidu.

Bu sewebtin köpligen Uyghur yashlirining oxshash bolmighan dishwarchiliqlargha muptila bolghanliqi heqqide xewerler bérilgen idi. Emdi bu xil cheklimilerning Uyghurlardin bashqa qérindash milletlergimu qollinilishqa bashlighanliqi diqqet qozghidi.

Radiyomiz muxbirliri bügün igiligen ehwaldin melum bolushiche, tékes nahiyisidiki bir qazaq yash oxshash bir kimlik arqiliq ikki dane yanfon kartisi (SIM) sétiwalghanliqi üchün yerlik saqchilarning so'al-soraqlirigha duch kelgen, aridin uzun ötmey qolgha élinip bir yilliq qamaqqa höküm qilin'ghan. Muxbirimizning ehwal éniqlishi jeryanida, yerlik da'irilerning belgilimisi boyiche "Az sanliq millet" kishilirining bir adem birdin artuq yanfon kartisi sétiwélishqa bolmaydighanliqi ashkarilandi.

Melum bolushiche, Uyghurlar diyarida hazir shexslerning yanfonliri herqachan tekshürüsh obyékti bolup kelmekte iken. Jümlidin yanfonlirida sezgür mezmunlar bayqalghan herqandaq Uyghur her xil jazagha jümlidin qamaqqa höküm qilinmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet