Awstraliye kurtin uniwérsitétining yüz tonush téxnikisi tetqiqatini emeldin qaldurush telep qilin'ghan

Muxbirimiz jewlan
2021-09-15
Share

Awstraliye radiyo shirkiti (ABC) ning xewer qilishiche, awstraliye kurtin uniwérsitétida Uyghur, tibet qatarliq milletlerning chirayini tonush téxnikisigha munasiwetlik tetqiqat élip bériliwatqan bolup, bu tetqiqatni emeldin qaldurush köp qétim telep qilin'ghan.

Bu tetqiqat 2019-yil tunji qétim élan qilin'ghan bolup, xitay hökümiti uninggha yardem bergeniken. Kishilik hoquq pa'aliyetchiliri bu téxnikining xitay hökümiti teripidin paydilinip, Uyghurlargha ziyankeshlik qilishqa élip bérishidin ensirep, bu tetqiqatni élip bérishqa yol qoyghan kurtin uniwérsitétini tenqidlep kéliwatqaniken. Bu mektepning mu'awin mudiri gerche bu tetqiqat maqalisini mektep tor bétidin öchürüwétishke buyrughan bolsimu, bu maqale yenila tor bette mewjut iken.

Awstraliye parlaménti istixbarat we bixeterlik komitétining re'isi jeymés patérson kurtin uniwérsitétining bundaq tetqiqatqa yol qoyushining exlaqsiz qilmish ikenlikini we bu qilmishning uzaqqiche bayqalmasliqining kishini epsuslanduridighanliqini éytqan.

Kurtin uniwérsitétidikiler bolsa özlirining bashta bu tetqiqattin xewiri yoqluqini, buningdin kéyin nazaretni kücheytidighanliqni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet