Хитайдики зәһәрлик җувава делоси һәққидики сот мәтбуатларниң диққитини қозғиди

Мухбиримиз меһрибан
2013-07-30
Share

30-Июл күни хебий өлкилик оттура сот 2008-йили йүз бәргән японийәгә експорт қилинған зәһәрлик җувава делосидики гумандар лу йөтиң үстидин сот ачқан.

Бу сот һәққидики хәвәрләр алди билән японийә мәтбуатлири арқилиқ хәлқараға тарқитилди. Хитай даирилири илгирики сот қаидилиридин пәрқлиқ һалда японийилик икки мухбирниң сотқа қатнишишиға рухсәт қилған, әмма сот мәйданида хатирә қалдурушини чәклигән.

Сотқа қатнашқан японийә сода гезити мухбириниң хәвәр қилишичә, җинайәт гумандари лу йөтиң өзи йетәкчилик қилидиған хебий тйәняң йемәклик ширкитиниң японийә қатарлиқ дөләтләргә експорт қилған тәйяр җувавилириниң тәркибидә йемәкликниң чиришиниң алдини алидиған деһқанчилиқ дорисиниң ишлитилгәнликини иқрар қилип, тйәняң ширкити ишләпчиқарған җувавидин зәһәрләнгүчиләрдин кәчүрүм сорап, соттин өзигә кәңчилик билән һөкүм чиқиришни тәләп қилған. японийә мәтбуатлириниң хәвәр қилишичә, сот һөкүми техи чиқирилмиған болсиму, җинайәт гумандари лу йөтиңға 10 йилдин юқири қамақ җазаси яки өлүм җазаси берилиш еһтимали бар икән.

Хитайдики зәһәрлик йемәклик мәсилиси нөвәттә хитай пуқралири вә хәлқара җәмийәт йеқиндин диққәт қилип келиватқан мәсилиләрниң бири. Хитайда ишләнгән җувавидин зәһәрлиниш вәқәси 2008-йили 1-айда японийәдә йүз бәргән болуп, әйни чағда җувавидин зәһәрләнгән 10 нәччә киши һәққидики хәвәр японийә мәтбуатлирида елан қилинғандин кейин, японийә тәрәп хитай һөкүмитидин бу вәқәни тәкшүрүшни тәләп қилған. Вәқәдин кейин японийә, корейә, америка, канада қатарлиқ дөләтләр хитайдин импорт қилидиған йемәкликләрни қайта тәкшүрүшни тәләп қилип, хитайдин киридиған тәйяр йемәкликләргә чәклимә қойған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт