Adryan zénz: “Xitay hökümiti bir milyon Uyghurni yasap chiqqan!”

Muxbirimiz eziz
2021-06-15
Share

Xitay hökümiti ötken hepte özlirining eng yéngi nopus statistikisini élan qilghandin kéyin, ularning 2020-yili “Uyghurlarning omumiy nopusi 12.7 Milyon” dégen bayanlirining yalghan ikenliki melum boldi. Washin'gton shehiridiki “Kommunizm qurbanliri xatire fondi” ning tetqiqatchisi, doktor adryan zénz bu heqtiki uchurlarni omumlashturup “Xitay hökümiti yalghandin bir milyon Uyghurning sani heqqidiki uchurlarni yasap chiqqan” dégen.

U özining tiwéttér bétide 15-iyun küni élan qilin'ghan bu heqtiki chatma uchurlirida bu yalghanchiliqni pash qildi. Uningda körsitilishiche, 2018-yili xitaylarning nopusi toqquz milyon bolghan, emma bu san 2020-yiligha kelgende birdinla 10.92 Milyon'gha chiqip qalghan. Shu yili Uyghurlarning nopusi 11.5 Yérim milyon bolghan. Bu rayon'gha köchmen bolup kelgen xitaylardin bir milyondin artuqraq kishining nopusini xitay hökümiti gherezlik halda “‍Uyghurlarning nopus jehettiki köpiyishi” ge ispat qilish üchün Uyghurlarning nopusigha qoshuwetken hemde Uyghurlarning nopusi hazir 12.7 Milyon'gha yetti, dep teshwiq qilghan.

Adryan zénz xitay hökümiti élan qilghan bu heqtiki doklatlarni sélishturup chiqip “2020-Yili shinjang rayoni boyiche ikki milyon nopus köpeygen. Bu ikki milyon nopus pütünley xitay nopusidiki köpiyishtur” dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet