Җаң чүншйән уйғур районида "диний ашқунлуқ кәйпияти көрүнәрлик юмшиғанлиқини" илгири сүрди

Мухбиримиз әркин
2016-01-01
Share


Уйғур аптоном районлуқ партком секретари җаң чүншйән 31 - декабир аптоном районлуқ сиясий кеңәшниң йеңи йилни күтүвелиш чай зияритидә нутуқ сөзләп, районда өткән йили диний ашқунлуқ кәйпияти көрүнәрлик юмшиғанлиқини илгири сүргән.

Йеқинқи бир қанчә йилдин бери уйғур районида һөкүмәт билән йәрлик хәлқниң тоқунуши күчийип, нурғун зораванлиқ вәқәлири йүз бәрди. Хитай һөкүмити зораванлиқ вәқәлирини "диний радикал күчләрниң террорлуқ һәрикити" дәп елан қилип, хәлқара җәмийәтни хитайниң "террорлуққа қарши туруш" һәрикитини қоллашқа чақирған

Әмма кишилик һоқуқ тәшкилатлири зораванлиқ вәқәлирини хитайниң қаттиқ қол сиясити, уйғур мәдәнийити, диний етиқадиға чәклимә қоюши кәлтүрүп чиқарғанлиқини илгири сүргән.

Җаң чүншйән йеңи йиллиқ чай зияпитидә қилған сөзидә, өзлириниң алған һәр хил қаттиқ қол тәдбирлириниң районда диний кәйпиятни суслаштурғанлиқини тәкитлигән.

Униң көрситишичә, 2015 - йили "актип һуҗум қилиш, зәрбә бериш билән мудапиәни бирләштүрүш, зораван террорчиларға қаттиқ зәрбә берип, юқири бесимлиқ вәзийәтни изчил сақлаш, һәр хил тәдбирләрни чоңқур әмәлийләштүрүш, җәмийәт башқуруш, муқимлиқни қоғдаш иқтидарини давамлиқ юқири көтүрүш нәтиҗисидә омумий иҗтимаий вәзийәт давамлиқ муқимлиқни сақлиған."

Әмма д у қ хитай һөкүмитиң уйғур районида диний ашқунлуққа қарши алған тәдбири диний әркинлик, хәлқара кишилик һоқуқ өлчәмлиригә хилаплиқ қилғанлиқини илгири сүргән. Хитай һөкүмити мәзкур районда әрләрниң сақал қоюши, аялларниң һиҗаб, җилбап кийип, лечәк тақишини чәклигән. Оқуғучилар, оқуғучилар, кадирлар вә кәспий хадимларниң роза тутуши, намаз оқуши, балилириға диний тәлим тәрбийә беришини мәни қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт