Jang chünshyenning qaytidin xitay kompartiyesi merkiziy komitét ezaliqigha saylinishi diqqet qozghidi

Muxbirimiz eziz
2017.10.24
Share on WhatsApp
Share on WhatsApp

Seyshenbe küni ötküzülgen xitay kompartiyesi'ing 19-qurultiyining yépilish murasimida bir qisim wekiller yéngidin teshkil qilin'ghan merkiziy komitétning ezaliqigha saylan'ghan.

“Shinjang Uyghur aptonom rayoni” ning sabiq partiye sékrétari, nöwette “Merkiziy partiye qurulushi rehberlik guruppisi” ning mu'awin mudiri bolup ishlewatqan jang chünshyen bu qétim li kéchyang, wang yang qatarliq bir qisim yuqiri derijilik xitay emeldarliri bilen birlikte merkiziy komitét ezaliqigha saylan'ghan.

Bu yil 64 yashqa kirgen jang chünshyen 2009-yili “5‏-Iyul ürümchi weqesi” yüz bérip bir yildin kéyin wang léchüenning ornigha teyinlinip, Uyghurlar diyarida partiye sékrétari bolup ishligen, 2016-yili béyjinggha élip kétilgen. Bu qétimqi qurultayda uning merkiziy komitét ezaliqigha saylinishi bilen bir qisim közetküchiler “Béyjing da'iriliri jang chünshiyenni dawamliq etiwarlap ishlitishi éhtimalgha yéqin” déyishmekte.

Melum bolushiche, xitay kompartiyesining merkizi komitéti adette “Partiyening aliy rehberlik orgini” dep qarilidighan bolup, nöwette uning 205 ezasi, 171 kandidat ezasi bar iken. Xitay qanunida ezalarning her besh yilda bir qétim saylinidighanliqi belgilen'gen bolsimu, emeliyette merkiziy komitét ezaliri omumen xitay kompartiyesining siyasiy byurosi we siyasiy byuro da'imiy komitéti teripidin teyinlinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.