Jang xeytawning ayali oghli bilen amérikigha qéchip keldi

Muxbirimiz eziz
2017-12-25
Share

Radi'omiz kantonche bölümining xewiride éytilishiche, ürümchi ottura xelq sot mehkimisi 19 yilliq qamaqqa höküm qilghan xitay adwokat jang xeytawning ayali oghli bilen birlikte 23-dékabir tayland arqiliq amérikigha qéchip kelgen.

Melum bolushiche xitay adwokat jang xeytaw xitay hökümitining Uyghurlargha qaratqan milliy siyasetlirini eyiblep ündidarda 69 parche yazma yollighanliqi üchün 2016-yili yanwarda "Döletni aghdurushqa qutratquluq qilghan" we "Chet'elge jasusluq qilghan" dep eyiblen'gen. Shuningdin kéyin jang xeytawning ayali li eyjé izchil xitay hökümitining aware qilishigha uchrap kelgen.

Xewerde éytilishiche, amérikidiki xristi'an teshkilatliri izchil jang xeytawning ehwaligha köngül bölüp kelgen hemde ichki qisimda öz'ara maslishish arqiliq ili eyjéni awwal mexpiy yosunda taylandqa chiqiriwetken, andin taylandin amérikigha élip kelgen. Mezkur qutquzush xizmitige ishtirak qilghuchilarning biri, amérikidiki "Xitaygha yardem" fondining qurghuchisi bob fu bu heqte söz qilip, "Amérika hökümiti we uning herqaysi jaylardiki elchixanilirigha cheksiz teshekkür bildürimiz. Bizningche bu li eyjé we uning ikki yashliq oghli üchün eng chong rozhdéstwo sowghisi boldi," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet