"Zimistan" tori ata-aniliri lagérlargha qamalghan Uyghur balilirining échinishliq ehwallirini ashkarilidi

Muxbirimiz irade
2019-08-08
Élxet
Pikir
Share
Print

Uyghur élining nöwettiki weziyitige a'it muhim uchurlarni ashkarilap kéliwatqan "Zimistan" tori 6-awghust küni Uyghur élide ata-aniliri lagérlargha qamalghan balilarning ehwali heqqide igiligen bir qisim uchurlirini tarqatti.

Ularning bayan qilishiche, ata-aniliri lagérgha qamilip, yétimgha aylandurulghan bu balilar xuddi türmilerni eslitidighan yétimxanilargha yighiwélin'ghanliqi, ularning bu orunlarda perwishsiz qalghanliqini, hetta 2-3 yashliq balilarningmu öz halidin özi xewer élishqa tashlap qoyulghanliqini bayan qilghan.

Uyghur élidiki melum bir bashlan'ghuch mektepning xitay oqutquchisi "Zimistan" torigha özining bu heqtiki tuyghulirini ashkarilighan. U, özining 11-aydiki tong qishta 8 yashliq bir Uyghur balisining népiz chapan bilen talada tonglap turghanliqini körgenliki, u balining ata-anisining 2017-yili martta lagérgha qamalghandin béri héchqandaq iz-dériki bolmighanliqini, bu balining yene bir qanche kichik qérindashliri bilen birlikte 70 tin halqighan we héchqandaq kirim menbesi bolmighan qéri momisigha qarashliq bolup qalghanliqini éytip bergen. U oqutquchining éytip bérishiche, bu momay we newriliri qorsiqinimu teste toyghuzidiken. Bu xitay oqutquchi "Zimistan" torigha qilghan sözide "Özining bu balining ehwalini körüp bekmu azablan'ghanliqini, Uyghur balilirining ata-anilarning méhri-muhebbitidin mehrum qilin'ghanliqini" éytqan.

"Zimistan" tori yene Uyghur élidiki bir qisim xitay ottura mektep oqughuchiliri bilenmu sözleshken. Ular özliri bilen sawaqdash oquydighan Uyghur balilarning a'ile tawabi'atlirining asasen dégüdek lagérda ikenliki, bu Uyghur balilarning sinipta dawamliq xitay sawaqdashliri teripidin közitilidighanliqi we sawaqdashlirining neziride "Yoshurun térrorchi" dep qarilidighanliqini bildürgen.

Xitay hökümiti teripidin "Tirik yétim" gha aylandurulghan Uyghur balilirining weziyiti we ularning kélechiki Uyghur weziyitini yéqindin közitiwatqan tetqiqatchilar we shundaqla keng Uyghur jama'itini küchlük endishige salmaqta.

Toluq bet