Уйғур аптоном районлуқ һөкүмәт ахбарат йиғини ‍өткүзүп, лагер шаһити зумрәт давутқа һуҗум қилған

Мухбиримиз әркин
2021.10.11
Share on WhatsApp
Share on WhatsApp

Уйғур аптоном районлиқ һөкүмәт 11-‍өктәбир күни бейҗиңда 57-қетимлиқ ахбарат йиғини өткүзүп, йәнә америкаға, ғәрб тәтқиқат орунлириға, тәтқиқатчилириға, шундақла лагер шаһитлириға һуҗум қилған. Хитайниң бу қетимлиқ ахбарат йиғинида лагер шаһитлириға қаратқан һуҗуми зумрәт давутни нишан қилған. Уйғур аптоном районлуқ һөкүмәтниң баянатчиси шү гуйшяң, зумрәт давутқа қарита мәҗбури туғмас қилиш оператсийәси елип берилғанлиқи, униң ‍өйигә “қошмақ туғқан” орунлаштурулғанлиқи вә униң лагерда ятқанлиқини рәт қилған.

Шү гуйшяң һәтта зумрәт давутниң дадисиниңму “сақчиларниң көп қетимлиқ суал сориқида ‍өлгәнлики” ни инкар қилған. Хитайниң бу қетимлиқ ахбарат йиғинида зумрәт давутқа нишанлиқ һуҗум қилип, униңға қарита туғмас қилиш оператсийәси елип барғанлиқини рәт қилиши, зумрәт давутниң 7-өктәбир америкадики бир дохтурханида оператсийә қилинип балаятқусини еливетишиниң арқисидинла болған. Зумрәт давутниң 11-өктәбир радийомизға билдүрүшичә, дохтурлар униңға балаятқусиниң 3 йил бурун тиббий қаидигә хилап вә хәтәрлик рәвиштә боғдурулғанлиқи, ‍әгәр еливәтмисә буниң униң һаятиға хәвп пәйда қилидиғанлиқини ейтқан.

Зумрәт давут илгири хитай даирилириниң у лагердин чиққандин кейин униңға қарита мәҗбури туғмас қилиш ‍оператсийәси елип барғанлиқини ашкарлиған иди.

Шү гуйшяң ахбарат йиғинида йәнә германийәлик уйғуршунас адриян зенз, австралийә истиратегийәлик сиясәт ‍иниститути вә американиң бейҗиңда турушлуқ әлчиханисиға һуҗум қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.