Uyghur aptonom rayonluq hökümet axbarat yighini ‍ötküzüp, lagér shahiti zumret dawutqa hujum qilghan

Muxbirimiz erkin
2021.10.11
Share on WhatsApp
Share on WhatsApp

Uyghur aptonom rayonliq hökümet 11-‍öktebir küni béyjingda 57-qétimliq axbarat yighini ötküzüp, yene amérikagha, gherb tetqiqat orunlirigha, tetqiqatchilirigha, shundaqla lagér shahitlirigha hujum qilghan. Xitayning bu qétimliq axbarat yighinida lagér shahitlirigha qaratqan hujumi zumret dawutni nishan qilghan. Uyghur aptonom rayonluq hökümetning bayanatchisi shü guyshyang, zumret dawutqa qarita mejburi tughmas qilish opératsiyesi élip bérilghanliqi, uning ‍öyige “Qoshmaq tughqan” orunlashturulghanliqi we uning lagérda yatqanliqini ret qilghan.

Shü guyshyang hetta zumret dawutning dadisiningmu “Saqchilarning köp qétimliq su'al soriqida ‍ölgenliki” ni inkar qilghan. Xitayning bu qétimliq axbarat yighinida zumret dawutqa nishanliq hujum qilip, uninggha qarita tughmas qilish opératsiyesi élip barghanliqini ret qilishi, zumret dawutning 7-öktebir amérikadiki bir doxturxanida opératsiye qilinip balayatqusini éliwétishining arqisidinla bolghan. Zumret dawutning 11-öktebir radiyomizgha bildürüshiche, doxturlar uninggha balayatqusining 3 yil burun tibbiy qa'idige xilap we xeterlik rewishte boghdurulghanliqi, ‍eger éliwetmise buning uning hayatigha xewp peyda qilidighanliqini éytqan.

Zumret dawut ilgiri xitay da'irilirining u lagérdin chiqqandin kéyin uninggha qarita mejburi tughmas qilish ‍opératsiyesi élip barghanliqini ashkarlighan idi.

Shü guyshyang axbarat yighinida yene gérmaniyelik Uyghurshunas adriyan zénz, awstraliye istiratégiyelik siyaset ‍inistituti we amérikaning béyjingda turushluq elchixanisigha hujum qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet