Америка ташқи ишлар министири: хитайниң тәтүр тәшвиқатиға йол қоюшқа болмайду

Америка ташқи ишлар министири майк помпейо 20-март баянат елан қилип, хитай қатарлиқ дөләтләрниң “вухән вируси” сәвәблик америкиға қарши тәтүр тәшвиқат һәрикити елип бериватқанлиқини, әмма буниңға йол қоюшқа болмайдиғанлиқини билдүрди.

У мундақ деди: “тәтүр тәшвиқат дуня миқясидики бәзи шәхсләрдинла әмәс, бәлки хитай коммунист партийәси, русийә вә иран һөкүмәтлиридинму келиватиду. Биз демократийәмиз, әркинликимиз вә‚вухән вируси‛ға қайтурған инкаслиримизниң улини колайдиған бундақ һәрикәтләргә һәргиз йол қоймаслиқимиз керәк.” 

У йәнә америка хәлқниң мәзкур вирусқа тақабил туруш үчүн һәрикәткә өткәнликини, шуңа американиң мәзкур тиришчанлиқлирини йоққа чиқиридиған бу хил һәрикәтләргә йол қоюшқа болмайдиғанлиқини ейтти.

Шу әснада йәнә, американиң юқири қатлам әрбаблири арисида хитайни әйибләш пикирлири үзлүксиз көрүлүп турди.

Президент трамп 21-март кәчқурун йоллиған твиттер учурида, таҗсиман корона вирусини “хитай вируси” дәп атиди. 

Америкиниң кеңәш палатаси әзаси том коттон 22-март әтигән йоллиған твиттер учурида, хитай компартийәсидин чоқум һесаб елинидиғанлиқини има қилди. 

У мундақ деди: “хитай компартийәсиниң ялғанлири вә чириклики бир йәрлик сәһийә мәсилисини дуняви вабаға айландурди. Бу дөлитимиздиму һаят вә арзу-арманларни вәйран қилмақта. Буниң һесаби елиниду.” 

Хитай һөкүмити йеқиндин буян американиң корона вирусиниң алдини елиш тәдбирлирини әйибләйдиған вә вирус мәнбәсини америкаға дөңгәйдиған тәшвиқатларни күчәйткән иди.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар