Mekkidiki zhurnalist sirajidin: “Islam dunyasi shawket iminning sözige choqum inkas qayturidu”

24-Séntebir béyjingda Uyghur aptonom rayoni qurulghanliqining 60 yilliqini tebriklesh munasiwiti bilen neshr qilin'ghan “Shinjangdiki her millet xelqining barawerlik, ittipaqliq, tereqqiyat aq tashliq kitabi” heqqide axbarat élan qilish yighinida, Uyghur aptonom rayonluq partkomning da'imiy hey'et ezasi shawket imin muxbirlarning néme üchün Uyghur aptonom rayonida hijaplinish we saqal qoyushning yerlik da'iriler teripidin qattiq cheklinidighanliqi heqqidiki so'allirigha jawab bergende “Hijaplinish we saqal qoyush qalaqliq, radikalliq” dégen.

Shawket iminning bu sözi xelq'ara metbu'atlarda élan qilin'ghandin kéyin, se'udi erebistanning mekke we medine sheherliride yashawatqan muhajirettiki Uyghurlarning küchlük inkasini qozghighan.

Nöwette, se'udi erebistanning mekke shehiride muhajirette yashawatqan, jidde xelq'ara radi'o istansisi türkistan bölümining muxbiri shundaqla uzundin buyan Uyghurlar weziyitige da'ir ereb tilida élan qilghan türlük siyasiy analiz maqalliri bilen ereb dunyasigha tonulghan ataqliq zhurnalist sirajidin ezizi ependi, bügün radi'oyimizning ziyaritini qobul qilip, shawket iminning bu sözlirige islam dunyasining jümlidin xelq'aradiki musulman teshkilatlirining choqum jawab qayturidighanliqini we uning éytqanliridin Uyghurlarning diniy étiqad jehette xitay hökümitining qattiq tehditige duch kéliwatqanliqini körüwélishqa bolidighanliqini ilgiri sürdi.

Yuqiriqi awaz ulinishidin tepsilatini anglang.