Dolqun eysa: "Kanadagha élip bériwatqan ziyaritimizning birinchi basquchi ghelibilik axirlashti"

Ixtiyariy muxbirimiz erkin tarim
2019-04-01
Élxet
Pikir
Share
Print
D u q re'isi dolqun eysa ependi xarward uniwérsitétida Uyghur mesilisi tonushturulghan resim körgezmiside. 2019-Yili mart, bostun, amérika.
D u q re'isi dolqun eysa ependi xarward uniwérsitétida Uyghur mesilisi tonushturulghan resim körgezmiside. 2019-Yili mart, bostun, amérika.
RFA/Erkin Tarim

D u q re'isi dolqun eysa ependining kanadagha élip bériwatqan 15 künlük ziyaritining birinchi basquchi muweppeqiyetlik axirlashqan.

D u q re'isi dolqun eysa ependi bashchiliqidiki hey'et kanadaning her qaysi jaylirida turuwatqan sherqiy türkistan ammiwi teshkilatliri we Uyghurlar bilen uchrishish élip bérish, kanada hökümiti bilen parlamént ezalirigha rehmet éytish we Uyghurlarning bezi teleplirini ulargha yetküzüsh, kanadadiki uniwérsitét, tetqiqat merkezliri hem ammiwi teshkilatlarda doklat bérish meqsitide 22-mart küni kanadagha yétip barghan idi. D u q re'isi dolqun eysa ependi téléfon ziyaritimizni qobul qilip, kanadagha élip barghan bu qétimqi ziyaritining muweppeqiyetlik ötkenlikini bayan qildi.

D u q re'isi dolqun eysaning kanadagha élip bériwatqan ziyariti 23-mart küni torontodiki Uyghurlar bilen birlikte noruz pa'aliyitige ishtirak qilish bilen bashlan'ghan idi. U, 26-mart küni montré'al konkordi'a uniwérsitétidiki irqiy qirghinchiliqning aldini élish we insan heqliri tetqiqat merkizide doklat bergen bolup, u doklatida nuqtiliq halda Uyghurlarning hazirqi éghir weziyiti toghrisida toxtalghan idi.

27-Mart küni montré'aldiki pa'aliyitini axirlashturghan dunya Uyghur qurultiyi re'is dolqun eysa bashchiliqidiki hey'et, 28-mart küni amérika qoshma shtatining boston shehiridiki xarward uniwérsitétigha bérip doklat bérish yighinigha qatnashqan. Yighinda bir xitay oqughuchisi dolqun eysa ependige "Yalghan gep qilding" dep so'al sorighinida, Uyghurlar pakit bilen jawab bergendin kéyin u mat bolup chiqip ketken. D u q tetqiqat komitéti mudiri enwer exmet ependi bu heqte melumat berdi.

Dolqun eysa 3-ayning 29-küni bolsa kanadaning wankowér shehiride bir qanche pa'aliyetke ishtirak qilghan. Tuyghun abduwéli ependi bu heqte toxtaldi.

D u q re'isi dolqun eysa ependi, muhajirlar komitéti mudiri memet toxti ependi, d u q bash teptishi ablékim idris ependi, d u q tetqiqat komitéti mudiri enwer exmet, d u q ayallar komitéti mudiri aman'gül xanim we Uyghur ziyaliysi rushen abbas xanimlardin terkib tapqan hey'et kanadaning adminto, kalgari qatarliq jaylirida Uyghurlar bilen uchrishish élip barghan. Tuyghun abduwéli ependi bu söhbetlerning dewa üchün paydiliq bolghanliqini bayan qildi.

Kanada sherqiy türkistan birlikining kan'garidiki wekili gheyret atush ependi téléfon ziyaritimizni qobul qilip, d u q rehberlirining kan'garidiki Uyghurlargha doklat bérip, ularning kallisidiki qaymuqushlarni yoq qilghanliqini, dewaning küchiyishi üchün paydiliq bolghanliqini tekitlidi.

D u q re'isining kanada ziyariti 4-ayning 5-künige qeder dawamlishidiken. U, 4-ayning 2-künidin bashlap kanadaning paytexti ottowada kanadaning bezi muhim siyasiy erbabliri bilen ayrim-ayrim uchrishishlar élip baridiken we merkizi ottowada bolghan kishilik hoquq teshkilatliri bilen jaza lagérlirigha qarshi 2019-yili birlikte élip baridighan pa'aliyetlirining küntertipini ortaq muzakire qilidiken.

Toluq bet