El söyer milliy karxanilarmu elning söyüshige mohtaj

El awam éghir künde qalghanda ulargha yardem qolini sunushni burch, xeyr saxawet ishlirini tijaret eqidisi qilish milliy karxanichilarning dawamlashturup kéliwatqan güzel exlaq we en'enisi.

Bir karxanining qedir qimmiti, xojayinning kattiliqi, paydisining heddi ziyade ikenliki bilen emes belki karxanining jem'iyet tereqqiyati we el jama'etning bext sa'aditi üchün qanchilik xizmet qilalighanliqi bilen ölchinidu. Bu jehette Uyghur milliy karxanilirining rohidin pexirlenmey söyünmey turalmaymiz, bu qétim kériyede yüz bergen yer tewresh apitide, Uyghur milliy karxanichilar saxawetchi sodigerlerning xelqqe waqtida sun'ghan illiq yardem qolliri bu udumni yene bir qétim ispatlap körsetti.

Uyghurlarmu öz nöwitide, Uyghur millitining tereqqiyatida milliy karxanichilarning rolining zor ikenlikini tonup yétish bilen birlikte yene öz karxanichilarni qandaq qilip qollash, qandaq qilip yaxshiliqqa jawab qayturush jehettimu oylanmaqta. Bu témida biz ilgiri bughraxan kiyimchilik shirkitining qurghuchisi karxanichilardin gollandiyede yashawatqan gheyret rozi ependi we Uyghur milliy karxanichiliqining bashlamchisi we meripetperwer saxawetchilerning serkisi bolghan musabaylar ewladliridin amérikidiki nurmemet musabay ependiler bilen pikirleshtuq.

Yuqiridiki awaz ulinishidin, muxbirimizning teyyarlighan söhbet programmisini anglighaysiler.