Дүзҗә шәһиридики йиғинда хитай билән тиҗарәт қилмаслиқ тәшәббуслири оттуриға қоюлди

Ихтиярий мухбиримиз әркин тарим
2015.02.16
duzce-turkiye-xitay-soda-yighin.jpg Дүзҗә шәһиридә өткүзүлгән “қәдимки дәвайимиз қаниған яра шәрқий түркистан” мавзулуқ йиғинда түрк карханичиларниң хитай билән тиҗарәт қилмаслиқиға аит тәшәббуслар оттуриға қоюлди. 2015-Йили 13-феврал, түркийә.
RFA/Erkin Tarim

Түркийәниң ғәрбигә җайлашқан дүзҗә шәһиридә өткүзүлгән “қәдимки дәвайимиз қаниған яра шәрқий түркистан” мавзулуқ йиғинда түрк карханичиларниң  хитай билән тиҗарәт қилмаслиқиға аит тәшәббуслар оттуриға қоюлди.

“дүзҗә яш карханичилар җәмийити” билән “яш қоллар җәмийити”ниң бирликтә орунлаштуруши билән 2-айниң 13-күни “қәдимки дәвайимиз қаниған яра шәрқий түркистан” мавзулуқ доклат бериш йиғини өткүзүлди.

Доклат бериш йиғиниға ақ партийиниң дүзҗәдики парламент әзаси ибраһим қорқмаз әпәнди, дүзҗә санаәт вә тиҗарәтчиләр җәмийити башлиқи фаһри чақир әпәнди, дүзҗә һәрбий районниң қомандани рамазан ақча әпәнди, милләтчи һәрикәт партийәси дүзҗә шөбисиниң башлиқи онур өзән әпәнди, демократийәлик сол партийәси дүзҗә шөбиси мәсули бирқан мәтрол әпәндиләр қатнашти. Буларниң сиртида көп санда мухбирларму йиғинға қатнашти.

Тәклипкә бинаән доклат бериш үчүн дүзҗигә кәлгән дуня уйғур қурултийи муавин рәиси сейит түмтүрк доклат бериш йиғини башлаштин бурун дүзҗә валийси алий еһсан су әпәнди билән валий мәһкимиси ишханисида көрүшүп, “шәрқий түркистан” ниң һазирқи вәзийити тоғрисида мәлумат бәрди.

Дүзҗә санаәт вә тиҗарәтчиләр уюшмисиниң йиғин залида уюштурулған йиғинда сейит түмтүрк әпәнди уйғурларниң һазирқи вәзийити тоғрисида мәлумат бәрди вә түрк карханичилирини хитай билән тиҗарәт қилмаслиққа чақирди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.