Düzje shehiridiki yighinda xitay bilen tijaret qilmasliq teshebbusliri otturigha qoyuldi

Ixtiyariy muxbirimiz erkin tarim
2015.02.16
Share on WhatsApp
Share on WhatsApp
duzce-turkiye-xitay-soda-yighin.jpg Düzje shehiride ötküzülgen “Qedimki dewayimiz qanighan yara sherqiy türkistan” mawzuluq yighinda türk karxanichilarning xitay bilen tijaret qilmasliqigha a'it teshebbuslar otturigha qoyuldi. 2015-Yili 13-féwral, türkiye.
RFA/Erkin Tarim

Türkiyening gherbige jaylashqan düzje shehiride ötküzülgen “Qedimki dewayimiz qanighan yara sherqiy türkistan” mawzuluq yighinda türk karxanichilarning  xitay bilen tijaret qilmasliqigha a'it teshebbuslar otturigha qoyuldi.

“Düzje yash karxanichilar jem'iyiti” bilen “Yash qollar jem'iyiti”ning birlikte orunlashturushi bilen 2-ayning 13-küni “Qedimki dewayimiz qanighan yara sherqiy türkistan” mawzuluq doklat bérish yighini ötküzüldi.

Doklat bérish yighinigha aq partiyining düzjediki parlamént ezasi ibrahim qorqmaz ependi, düzje sana'et we tijaretchiler jem'iyiti bashliqi fahri chaqir ependi, düzje herbiy rayonning qomandani ramazan aqcha ependi, milletchi heriket partiyesi düzje shöbisining bashliqi onur özen ependi, démokratiyelik sol partiyesi düzje shöbisi mes'uli birqan metrol ependiler qatnashti. Bularning sirtida köp sanda muxbirlarmu yighin'gha qatnashti.

Teklipke bina'en doklat bérish üchün düzjige kelgen dunya Uyghur qurultiyi mu'awin re'isi séyit tümtürk doklat bérish yighini bashlashtin burun düzje waliysi aliy éhsan su ependi bilen waliy mehkimisi ishxanisida körüshüp, “Sherqiy türkistan” ning hazirqi weziyiti toghrisida melumat berdi.

Düzje sana'et we tijaretchiler uyushmisining yighin zalida uyushturulghan yighinda séyit tümtürk ependi Uyghurlarning hazirqi weziyiti toghrisida melumat berdi we türk karxanichilirini xitay bilen tijaret qilmasliqqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.