Uyghur yashliri türkiyede igilik tiklep jem'iyetke hesse qoshmaqta

Ixtiyariy muxbirimiz éhsan
2016-11-29
Share
turkiyede-uyghur-igilik.jpg Halal dunya talla baziri dukinining aldi.
RFA/Éhsan

Istanbulda yashawatqan Uyghurlar türkiyede yashash jeryanida halal kesipler bilen shughullinish bilen birge, Uyghur millitining tijaretke mahirliqidek artuqchiliqini jari qildurup, öz aldigha qanunluq igilik tiklep kelmekte.

Istanbulning zeytunburni rayonida igilik tikligen yashlardin alim exmet 2014-yili 1-ayda türkiyediki "Halal dunya" zenjirsiman talla bazirining zeytunburni rayonida échish hoquqini qolgha élip resmiy shirket halitide tijaret bashlighan idi.

Halal dunya talla baziri gimdes jem'iyitining xelq'ara miqyasida élip bérishni bashlighan bir pilan xizmitidur. Bu xizmet da'irisi ichide, gimdes teripidin élip bérilidighan tekshürüsh we "Halal we pak" dégen kinishkini alghan mehsulatlarning istémalchilarning qoligha asan yollar bilen yetküzüp bérish meqset qilghandur.

Halal dunya talla baziri türkiyening sheher, wilayetliride xizmet qiliwatqan bolup, hazirghiche 38 talla baziri échilghan, buning 7 si istanbulda iken.

Alimjan exmet shu shirketke eza bolghan birdin -bir Uyghur karxanichi hésablinidiken.

Alimjan exmet mu'amilide qizghin we mulazimetni ela qilip qisqighine 3yil ichide talla bazarning da'irisi kéngeytken. 11-Ayning 26-küni zeytunburni rayonning Uyghurlar merkezlik jaylashqan ornida tijaret bashlighan alimjan yéngi talla bazirining échilish murasimini ötküzdi.

Échilish murasimigha halal dunya talla bazirining lidiri we alimjanning yéqinliridin bolup, köpligen kishiler qedem teshrip qildi. Murasim axirida ziyaritimizni qobul qilghan alimjan sorighan so'allirimizgha qarita öz oylighanlirini bayan qildi.

Murasimgha qatnashqanlardin ömer hajim istanbulda igilik tiklewatqan yashlarni righbetlendürüsh bilen birge, özining bezi tekliplirini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet