Uyghur hey'iti qeyseri sana'etchiler birliki re'isini ziyaret qildi

Ixtiyariy muxbirimiz erkin tarim
2016-12-28
Élxet
Pikir
Share
Print
Séyit tümtürk bashchiliqidiki hey'et qeyseri sana'etchiler birliki re'isi memet büyük simitchi ependini ziyaret qildi. 2016-Yili 27-dékabir, türkiye.
Séyit tümtürk bashchiliqidiki hey'et qeyseri sana'etchiler birliki re'isi memet büyük simitchi ependini ziyaret qildi. 2016-Yili 27-dékabir, türkiye.
RFA/Erkin Tarim

Türkiyening ottura rayonigha jaylashqan qeyseri wilayiti Uyghurlar eng köp olturaqlashqan yerlerdin biri bolup, 1965-yili köchüp kelgen Uyghurlargha 2014-2015-yilliri malayshiya we tayland arqiliq kelgen Uyghurlar qoshulup, qeyseride Uyghurlarning nopusi közge körünerlik halda köpeydi. Uyghurlarning nopusining köpiyishige egiship qiyinchiliqlirimu köpiyishke bashlidi. Qeyseride pa'aliyet élip bériwatqan sherqiy türkistan medeniyet we hemkarliq jem'iyiti re'isi séyit tümtürk, bash katip ablikim selchuq bashchiliqidiki hey'et 12-ayning 27-küni qeyseri sana'etchiler birliki re'isi memet büyük simitchi ependini ishxanisida ziyaret qilip, uning yéngi saylinip wezipisini bashlighanliqini tebriklesh bilen birlikte, yéngi kelgen Uyghur yashlirining xizmet tépish mesilisi toghrisidiki yardem telipini otturigha qoyghan shundaqla Uyghurlarning hazirqi omumi weziyiti toghrisidimu melumat bergen.

Bu heqte tepsiliy melumat igilesh üchün teshkilat re'isi séyit tümtürk, hey'et ichide orun alghan teshkilatning bashqurush hey'iti ezasi abdughéni békin ependi, sherqiy jenubi asiya arqiliq qeyserige kélip olturaqliship qalghan eniwer ependiler bilen söhbet élip barduq.

Séyit tümtürk ependi qeyseri sana'etchiler birliki re'isi bilen élip barghan uchrishishining yaxshi ötkenlikini, memet büyük simitchi ependining Uyghur hey'etni qizghin kütüwalghanliqini bayan qildi. U, bu qétimqi uchrishishta qeyseri sana'etchiler birliki re'isige Uyghurlarning bezi teleplirini yetküzgenlikini éytti.

Séyit tümtürk ependi qeyserining türkiye iqtisadida muhim orni barliqini, bu xil uchrishishlarning türkiye hökümitining Uyghur siyasitige ijabiy tesir körsitidighanliqini bayan qildi.

Sherqiy türkistan medeniyet we hemkarliq jem'iyiti bashqurush hey'iti ezasi abdughéni békin ependi, qeyseri sana'etchiler birliki re'isi memet simitchi ependining Uyghurlarning telipini anglighandin kéyin yardem béridighanliqi toghrisida wede bergenlikini éytti.

Hazir qeyseride shopurluq qiliwatqan eniwer ependimu mezkur uchrishishqa ishtirak qilghan bolup, uning éytishiche, qeyseri sana'etchiler birliki re'isi memet büyük simitchi ependining Uyghurlargha yardem qilimen dep wede bergen.

Bezi mutexessisler xitay hökümitining yéqindin béri iqtisadiy küchige tayinip qeyseri wilayiti bilen tijariy munasiwitini kücheytip, qeyseridiki Uyghur dewasini yoq qilishqa tirishiwatqanliqini ilgiri sürmekte. Séyit tümtürk ependi bu mesilinimu memet büyük simitchi ependige dégenlikini bayan qildi.

Qeyseri 13-esirning axirlirida hazirqi ichki anatoliyede qurulghan eratna Uyghur dölitining paytexti bolghan bolup, hazirqi nopusi 1.357.819 Bolup, Uyghurlar qeyserining exmet yesewi mehellisi bilen qeyseri saqchi idarisining qoru jayida yashimaqta.

Toluq bet